Balutsjistan

Balutsjistan er den største provinsen i Pakistan, og utgjer rundt 43 % av flatevidda i landet. Han er også den fattigaste og tynnast folkesette. Dei viktigaste språka her er balutsji, pasjto, brahui og farsi.

Balutsjistan
بلوچستان‎
provins
Flagg Symbol
Land	Pakistan
Distrikt	26
Hovudstad	Quetta
Areal	347 190 km²
Folketal	13 162 222 (2014)
Grunnlagd	1. juli 1970
Balutsjistan 30.12°N 67.01°E / 30.12; 67.01
Kart som viser Balutsjistan. Kart som viser Balutsjistan.
Wikimedia Commons: Balochistan (Pakistan)

Provinsen har kyst til Arabiahavet i Makran i sør og grenser mot Iran og Afghanistan i vest og dei pakistanske provinsane Sind og Panjab i aust og Dei pakistanske stammeområda i nord. Provinshovudstad og største by er Quetta som ligg i Sulaimanfjella, nordaust i Balutsjistan.

Provinsen utgjer den austlege delen av det større landskapet Balutsjistan. Sidan Pakistan blei uavhengig i 1947 har det vore fleire opprørsbølgjer her.

Balutsjistan har gått gjennom fleire jordskjelv. Jordskjelvet i 1935 øydela provinshovudstaden Quetta. Jordskjelvet i 1945, som hadde episenter i Makran, blei også merka i andre delar av Sør-Asia.