Barremium

Barremium er den fjerde alderen i epoken tidleg krit. Han varte frå 130 ± 1,5 til 125 ± 1,0 millionar år sidan. Barremium kjem etter hauterivium og før aptium.^[1]

Typelokaliteten for barremium er i nærleiken av landsbyen Barrême i Alpes-de-Haute-Provence i Frankrike. Henry Coquand definerte alderen og namngav han i 1873. Starten for barremium er definert ut frå første gong ammonittane Spitidiscus hugii og Spitidiscus vandeckii dukkar opp. Slutten av alderen er sett til ei geomagnetisk reversering ved starten av kronosonen M0r.