Bellingshausenhavet

Bellingshausenhavet er eit havområde langs vestsida av Den antarktiske halvøya, vest for Alexander Island, aust for Cape Flying Fish på Thurston Island, og sør for Peter I Øy.^[1] I sør ligg, frå vest til aust, Eights Coast, Bryan Coast og vestlege område av English Coast i Vest-Antarktis. Vest for Cape Flying Fish ligg Amundsenhavet.

Kart over Antarktis med Bellingshausenhavet til venstre.

Eit kart over Den antarktiske halvøya med plasseringa til havet nedst til venstre.

Plasseringa til Den antarktiske halvøya i Antarktis.

Bellingshausenhavet har eit areal på 487 000 km² og er på det djupaste 4470 meter.^[2]

Havområdet er kalla opp etter admiral Fabian Gottlieb von Bellingshausen, som utforska området i 1821.

Seint i pliocen, for kring 2,15 millionar år sidan, landa Eltanin-asteroiden her. Dette er det einaste kjende nedslaget på djupt hav i verda.^[3]