Berekvam stasjon

Berekvam stasjon ligg på Berekvam i Flåmsdalen i Aurland kommune, og er ein stasjon på Flåmsbana. Stasjonen vart opna 1. august 1940 då det vart starta opp med mellombels godstrafikk på bana.^[1] Bana har to spor ved Berekvam og det er her toga kryssar kvarandre på sommaren når det er tog i begge retningar på bana samstundes. Stasjonen er manna av Jernbaneverket i sommarsesongen for togkryssing. Sjølv om det er to spor er det berre plattform ved det eine, og om sommaren er det difor berre råd å gå av og på toget ved Berekvam for tog i spor 1, det vil seie alle toga mot Flåm, og det fyrste og det siste toget mot Myrdal.^[1]

Berekvam stasjon
Tog i spor 2 ved Berekvam stasjon Foto: Karen
Stasjonsområde
Stad	Berekvam
Koordinatar	60°47′18″N 7°5′44″E
Distanse	346,31 km frå Oslo
Høgd	343 moh.
Opna	1.august 1940
Linjer og rutedrift
Linje(r)	Flåmsbana
Eigar(ar)	Jernbaneverket, Bane NOR Eiendom
Overgang
Berekvam stasjon

Berekvam stasjon ligg på 343 moh, 10,51 kilometer frå Myrdal stasjon og 9,69 kilometer frå Flåm stasjon.^[2] For reisande frå Myrdal er Blomheller førre haldeplass og Dalsbotn neste.