Bromellitt

Bromellitt er eit mineral som består av berylliumoksid, BeO. Det er kjent frå skarnførekomsten Långban i Värmland i Sverige og frå nefelinsyenittpegmatitt ved Langesundsfjorden. Det er kalt opp etter den svenske legen og mineralogen Magnus von Bromell (1679–1731).

Bromellitt
Generelt
Kategori	Oksydmineral
Kjemisk formel	BeO (berylliumoksyd)
Strunz-klassifisering	04.AB.20
Identifikasjon
Farge	Kvit, fargelaus
Krystallform	prismatisk
Krystallsystem	Heksagonal
Kløyv	[1010] tydeleg
Mohs hardleiksskala	9
Glans	glasaktig
Strekfarge	Kvit
Transparens	Gjennomsiktig til gjennomskineleg
Spesifikk vekt	3.02
Optiske eigenskapar
Brytingsindeks	1.719, 1.733
Pleokroisme	Ingen
Smeltepunkt	2570°C

Mineralet er sjeldan i naturleg tilstand, men er skapt syntetisk i over 40 år.

Mineralet vert mellom anna nytta som malm for beryllium og som reagensmiddel nytta i produksjonen av kunstige edelsteinar. I tillegg vert det nytta i kjernereaktorar som ein moderator for raske nøytron. Keramikk med bromelitt vert nytta i elektronikk og som smeltedigel for smelting av uran og thorium. Det vert òg nytta som edelstein, men som edelstein er bromelitt ekstremt sjeldan, og til dags dato er det berre funne ein krystall som er stor nok til å slipast.

Kjelder

• Bromellitt. (14. februar 2009). I Store norske leksikon. Henta 14. februar 2014 frå http://snl.no/bromellitt.
• R.V. Gaines et al., Dana's New Mineralogy, 8th edition, John Wiley & Sons, NY, 1997, p 211.
• SFM and Sam Muhlmeister, Gems & Gemology, Volume 38, No 3, Fall 2002, pp 250–251.
• WebMineral Listing
• MinDat Listing
• Dictionary of Mining, Mineral, and Related Terms Arkivert 2011-05-14 ved Wayback Machine.
• Gemmologist Murray Burford