Bhilspråk

Bhilspråk er ei gruppe vestlege indo-ariske språk som blir tala av bhilfolk i vestlege og sentrale delar av India. I 2011 hadde dei ulike språka rundt 21 millionar talarar til saman.^[2] Bhilspråk er hovudspråk i sørlege delar av Aravallifjella i Rajasthan, vestlege delar av Satpurafjella i Madhya Pradesh, nordvestlege delar av Maharashtra og sørlege delar av Gujarat.

Bhil
Klassifisering:	Indo-iranske Indo-ariske Vestlege[1] Bhilspråk
Vidare inndeling:	Nordleg Sentral Bareli
Område:	India
Glottolog:	bhil1254

Slektskap

Bhilspråk ligg midtvegs mellom gujarati og rajasthani–marwarispråk.

Språk

Språkgruppa omfattar desse språka:

• Nordlege:
  • Bauria
  • Wagdi (kanskje sentralt)
  • Bhilori (noiri, dungra)
  • Magari (magra ki boli; inkludert under bhili i Ethnologue)
• Sentrale
  • Bhili (patelia), bhilodi, adiwasa og radjput-garasia [gjensidig forståelege; nokre gjensidig forståelege med marwari]
  • Bhilali (rathawi)
  • Chodri
  • Dhodia
  • Dhanki
  • Dubli
• Austlege (bareli)
  • Palya bareli
  • Pauri bareli
  • Rathwi bareli
  • Pardhi

• Kalto/nahali

Vasavi blir tala av bhilfolk, men er nærare i slekt med gujarati.