Bitola

Bitola (makedonsk Битола) er ein by og ein kommune i regionen Pelagonia i Nord-Makedonia. Kommunen fekk sitt noverande omfang i 2004, då dei tidlegare kommunane Bistritsa, Kukuretsjani og Tsapari vart innlemma i kommunen.

Bitola Битола
Gate i Bitola Gate i Bitola
Byvåpen
Land Statistisk region	Nord-Makedonia Pelagonia
Borgarmeister	Vladimir Taleski
Flatevidd	422,39 km²
Flatevidd  - By	787,95 km²
Innbyggjarar[1]  • By (2021)    - folketettleik	85 164   108,1/km²
Koordinatar	41°01′55″N 21°20′05″E
Høgd	+576 m
Tidssone	CET (UTC+1)
Postnummer	7000
Retningsnummer	389 047
Nettstad: bitola.gov.mk
Plasseringa til Bitola i Nord-Makedonia Plasseringa til Bitola i Nord-Makedonia

Med 85 164 innbyggjarar var kommunen den tredje største etter Skopje og Kumanovo ved folketeljinga i 2021.^[1] Sjølve byen Bitola var med sine 69 287 innbyggjarar den tredje største byen i Nord-Makedonia etter Skopje og Kumanovo i 2021.^[1]

Bitola ligg sør i Pelagoniadalen, sørvest i landet, og er eit senter for administrasjon, kultur, industri, handel og utdanning. Rundt byen ligg fjella Baba og Nidže. Grensa til Hellas ligg berre 14 km lenger sør. Bitola er eit viktig trafikknutepunkt mellom hovudvegen frå det sørlege Adriahavet til Egearhavet og Sentral-Europa.

I perioden under Det osmanske riket vart byen kalla «Byen av konsulane» sidan mange europeiske land hadde konsulat i Bitola.

Av innbyggjarar er dei fleste etniske makedonarar (88,7 %). Kommunen har òg mindre folkegrupper av albanarar (4,4 %), roma (2,7 %), tyrkarar (1,7 %) og vlacharar (1,3 %).

Byen er heimstad for St. Klement av Ohrid-universitetet i Bitola, Makedonia sitt nest største universitet.

Historie

I nærleiken av sentrum i Bitola låg den antikke byen Heraclea-Lyncestis. Under Austromarriket heitte byen Monastiri, som tyder «kloster» på gresk. Mot slutten av 1300-talet vart Bitola ein del av Serbia under Stefan Dušan. Byen vart erobra av Det osmanske riket på 1400-talet. Då Serbia tapte byen etter den første balkankrigen fekk han namnet Bitolj etter det slaviske ordet obitel som tyder kloster. På makedonsk er ordet for kloster manastir.

Busetnader i kommunen

Dei største busetnadene i kommunen var:

Busetnad	Folketal 2002[2]	Folketal 2021[1]
Bitola	74 550	69 287
Gorno Orizari	2 454	2 521
Dolno Orizari	1 834	1 734
Bukovo	3 494	1 125
Kravari	880	815
Kukuretsjani	966	784
Bistritsa	1 015	734

Bakgrunnsstoff

Wikimedia Commons har multimedia som gjeld: Bitola

• Bilete frå Bitola
• Informasjon om Bitola Arkivert 2017-09-13 ved Wayback Machine.

Kjelder

• Denne artikkelen bygger på «Bitola» frå Wikipedia på engelsk, og «Bitola» frå Wikipedia på svensk den 2. februar 2008.