Blekinge

Blekinge er eit landskap i Sverige. Geografisk er det identisk med lenet Blekinge län, i det søraustlege Sverige. Blekinge har om lag 150 000 innbyggjarar og er tett folkesett. Landskapet blir ofte kalla «Sveriges hage», og har vene skogsområde, landsbyar og ein mykje vitja skjergard.

Blekinge
landskap
Symbol
Land	Sverige
Län	Blekinge
Areal	2 900 km²
Folketal	159 056 (31. desember 2020)[1]
Blekinge 56.333333333333°N 15.333333333333°E / 56.333333333333; 15.333333333333
Wikimedia Commons: Blekinge

Blekinge var dansk fram til freden i Roskilde i 1658. Det pågjekk blodige krigar her mellom dei to landa om herredømmet over Blekinge. Länshovudstaden Karlskrona vart bygd opp som ein marineby nærast mogleg Danmark og kontinentet, for å hevde den nyvunne makta til Sverige etter freden i Roskilde. Marinehamna Karlskrona står på verdsarvlista til UNESCO. Skjergården i Blekinge er med i Unesco-programmet Man and the Biosphere Programme.

Fiskehamna Hallarna på Hasslö, Karlskrona kommune.

Foto: Erlend Bjørtvedt

Ronneby med Munktrappan.

Blekinge ligg søraust i Sverige og grensar mot Austersjøen i aust og sør og til Skåne i vest og Småland i nord. Administrasjonssentret er Karlskrona, medan Ronneby er den eldste byen. Det er flyplass ved Ronneby.

Større tettstader

Dei største tettstadane i landskapet etter reguleringa i 2005 er:

#	Tettstad	Innbyggjartal
1	Karlskrona	32 606
2	Karlshamn	18 768
3	Ronneby	11 767
4	Sölvesborg	7 883
5	Olofström	7 382