Blindern

Blindern er eit område i bydel Nordre Aker i Oslo. Stroket er hovudsakleg eit bustadsområde, men er prega av at Universitetet i Oslo har sitt sete og størsteparten av sine bygningar liggjande her.

Blindern
stad
Blindern med universitetsområdet i nedre halvpart av fotografiet. Universitetet disponerer òg lokale i dette området utanfor biletet. Flyfoto frå 2015.
Land	Noreg
Kommune	Oslo
Blindern 59.938461111111°N 10.724973888889°E / 59.938461111111; 10.724973888889
Wikimedia Commons: Blindern

Historie

Området har namn etter garden Blindern. Dette var ein av dei mange gamle gardane i Aker som opphavleg hadde endinga vin i namnet, og som difor gjerne vert rekna med å ha vore rydda i eldre jarnalder. Det er ikkje noko att av jordbruksareala i dette området. Garden var prestegard for Vestre Aker frå 1856. Han blei embetsbustad for biskopen i Oslo i 2000.^[1]

«Nedre Blindern 1955». Utbygginga av universitetsområdet på Blindern tok til på 1930-talet, og fyrst ute var farmasi-, kjemi- og fysikkbygningene. Øvre Blindern var framleis jorde fram til utbygginga heldt fram på 1960-talet.

Foto: Fjellanger-Widerøe/Oslo Museum

Blindern Hageby blei utvikla som villeområde frå 1920-åra.^[1] Gjennom 1900-talet blei Blindern utbygd som universitetsområde for Universitetet i Oslo. Blindern studenterhjem blei reist i 1923–1925. Bygginga av det fyrste universitetsanlegget byrja i 1929 med opning i 1936. På 1960-talet blei det gjennomført ei større utbygging av området. På 2000-talet blei det også gjennomført ei stor utbygging i Forskningsparken nord og vest for Sognsvannsbanen.^[1]

Meteorologisk institutt har òg ein bygning med tilhøyrande målestasjon osb. i dette området.^[2] Opplysningar om vêr og temperatur i Oslo refererer difor vanlegvis til tilhøva på Blindern.

Transport

Blindern er namnet på ein haldeplass på T-banelina Sognsvannsbanen, som saman med haldeplassen Forskningsparken på den same lina, og trikkelina mellom sentrum og Rikshospitalet, gjer det enkelt å nå stroket og universitetet med kollektivtransport.

Galleri

• 
  Våningshuset på Nedre Blindern gård i Blindernveien 19 er frå 1790-talet. Huset er freda.

  Foto: Mahlum, 2008
• 
  Blindern studenthjem, hybelhus og bufellesskap like ved universitetet.

  Foto: 2007
• 
  Festplassen på campusområdet til universitetet, med Arnold Haukeland sin skulptur Air.

  Foto: 2006
• 
  Villa Eika huser mellom anna studentparlamentet ved Univeritetet i Oslo og Velferdstinget i Oslo og Akershus.

  Foto: Mahlum, 2008
• 
  Sophus Bugges hus blei teikna av Leif Olav Moen og oppført i 1962.

  Foto: 2008
• 
  Kristine Bonnevies hus huser Biologisk institutt.

  Foto: 2008
• 
  Kjemibygningen blei teikna av Hans Anmarkrud og Rolf Ramm Østgaard og oppført 1969. Dei fremste blokkene huser Kjemisk institutt, de bakre Fysisk institutt.

  Foto: Mahlum, 2008
• 
  I Vilhelm Bjerknes' hus går bachelor-undervising ved Det matematisk-naturvitenskapelige fakultet føre seg.

  Foto: Kjetil Ree, 2006
• 
  Ole-Johan Dahls hus, med institutt for informatikk, i Gaustadbekkdalen like nordvest for Blindern blei opna i 2011.