Blue Dawn

Blue Dawn er det 95. albumet totalt og det 34. studioalbumet til den tyske electronicagruppa Tangerine Dream, utgjeven i juni 2006.^[1]

Blue Dawn Studioalbum av Tangerine Dream
Utgjeve	Juni 2006
Innspelt	1988 / 2006
Studio	Copeland Villa (Los Angeles) og Sunset Marquee's Hotel & Eastgate Studios (Wien)
Sjanger	elektronisk ambient
Lengd	1:01:51
Selskap	TDI/Eastgate
Produsent	Edgar Froese
Tangerine Dream-kronologi
Phaedra 2005 (2005)	Blue Dawn	Paradiso (2006)

Albumet inneheld tidlegare studioopptak av Edgar Froese og det kortvarige medlemmet Ralf Wadephul frå ein amerikansk turné i 1988. Eit liknande album, Kyoto, med opptak frå 1983, kom ut i 2005.^[1]

Ralf Wadepulh skreiv på heimesida si om skapinga av Blue Dawn: «Etter mange år fekk eg ein telefon frå Edgar som spurte om eg var interessert i å samarbeide i studio på uferdige skisser frå 1988.» Dei arbeidde først kvar for seg, før dei møttest i Wien i 2005 for å setje det saman til eit album.^[1]

Albumet består av ti spor, seks av dei komponerte av Ralf Wadephul, dei andre av Edgar Froese. Bandmedlemmet Paul Haslinger var tilsynelatande ikkje involvert i komponeringa av desse spora.^[1]

Noko av materialet til Ralf Wadephul vart seinare gjevne ut på nytt, noko omarrangert, på soloalbumet hans When Aliens Meet a Drop of Water (2008).^[1]

Innhald

Nr.	Tittel	Melodi	Lengd
1.	«Where Dreams Are Large and Airy»	Edgard Froese	6:21
2.	«Riding the Wind»	Ralf Wadephul	4:37
3.	«Thunderheads»	Edgard Froese	7:27
4.	«Eagle's Crest»	Ralf Wadephul	5:37
5.	«Food for the Gods»	Ralf Wadephul	8:24
6.	«Without a Bad Conscience»	Edgard Froese	6:02
7.	«Cardamom Route»	Ralf Wadephul	5:02
8.	«A World Away from Gagaland»	Edgard Froese	7:06
9.	«Native Companions»	Ralf Wadephul	4:14
10.	«Blue Dawn»	Ralf Wadephul	7:01

Medverkande

• Edgar Froese – klaverinstrument
• Ralf Wadephul – klaverinstrument