Bob Bogle

Robert Lenard «Bob» Bogle (16. januar 1934–14. juni 2009) var eit opphavleg medlem i instrumentalgruppa The Ventures. Han og Don Wilson skipa gruppa i 1959. Bogle var først sologitarist og seinare bassist i gruppa. I 2008 vart Bogle og dei andre medlemmane i The Ventures innlemma i Rock and Roll Hall of Fame.^[1]

Bob Bogle
Fødd	16. januar 1934(1934-01-16)
Fødestad	Wagoner i Oklahoma
Død	14. juni 2009 (75 år)
Dødsstad	Vancouver i Washington i USA
Fødenamn	Robert Lenard Bogle
Opphav	USA
Aktiv	1958–2009
Sjanger	Instrumentalrock, surferock
Instrument	Gitar, bassgitar
Tilknytte artistar	The Ventures
Verka som	Musikar
Prisar	Oklahoma Music Hall of Fame

Bogle var fødd nær Wagoner i Oklahoma og arbeidde som murar i California frå han var 15 år gammal. Han lærte seg å spele gitar på eiga hand og møtte Don Wilson i Seattle i 1958, dder dei arbeidde i lag på anleggsplassar. Dei skipa bandet The Versatones i lag, og dette utvikla seg til å bli The Ventures. Sologitaren til Bogle på The Ventures sin versjon av «Walk, Don't Run» i 1960, var med å forme den neste generasjonen gitaristar, som John Fogerty, Steve Miller, Joe Walsh og Stevie Ray Vaughan.^[2]

Bogle døydde 75 år gammal den 14. juni 2009 av blodkreft i Vancouver i Washington.^[3][4]