Boogaloo

Boogaloo (engelsk, eller spansk bugalú) er ein musikksjanger og dans som var populær i USA på 1960-talet. Musikken er også kjend som shing-a-ling, Latin boogaloo og Latin R&B.

Denne artikkelen handlar om musikksjangeren. For songen, sjå Fyra Bugg & en Coca Cola.

Boogaloo
Stilmessig opphav	Ei blanding av soul, rhythm and blues, mambo og son.
Kulturelt opphav	New York på 1960-talet
Typiske instrument	Bassgitar, bongo, conga, gitar, güiro, kontrabass, piano, saksofon, timbales, trombone, trompet
Musikalske scener
New York og Puerto Rico

Boogaloo oppstod i New York blant ungdom av afroamerikansk og latinoopphav, hovudsakleg kubansk og puertorikansk. Han var påverka av afroamerikansk R&B og soul og av latinomusikk som mambo og son montuno. Songane kunne ha tekst på spansk eller engelsk, og kunne ofte vera humoristisk. Omgrepet «boogaloo» blei truleg laga i 1966 av Richie Ray og Bobby Cruz.

Tidlege boogaloo-songar som nådde topp 20-lista i USA i 1963 var Mongo Santamaría sin versjon av Herbie Hancock sin «Watermelon Man» og Ray Barretto sin «El Watusi». Desse slagerane inspirerte fleire grupper til å framføra liknande musikk.

Boogaloo blei spelt i storband av unge musikarar, ofte frå det store puertorikanske miljøet i New York. Nokre av desse musikarane var Bataan, Cuba, Bobby Valentín, The Latin Souls, The Lat-Teens, Johnny Colón, Willie Colón og The Latinaires.

Dei største slagerane på 60-talet var «Bang Bang» av Joe Cuba-sekstetten, som selde over ein million eksemplar i 1966. Johnny Colón hadde ein hit med «Boogaloo Blues», Pete Rodríguez med «I Like It like That» ig Hector Rivera med «At the Party».

Etter ein enorm suksess på midten 1960-talet, døydde boogaloo-interessa ned rundt 1969.

Viktige album

• Ray Barretto, Viva Watusi! (UA Latino, 1965)
• Ricardo Ray, Se soltó (On the loose) (Tico, 1966)
• Ricardo Ray, Jala Jala y Boogaloo (Tico, 1967)
• Joe Cuba Sextet, Bang! Bang! & Push, push, push (Tico, 1967)
• Pucho and His Latin Soul Brothers, The Best of Pucho and the Latin Soul Brothers (Ace, 1966–1970)
• Johnny Colon, Boogaloo Blues (Fania, 1967)
• Willie Colón, El Malo (Fania, 1967)
• Joey Pastrana, Let's ball (Cotique, 1967)
• El Gran Combo, Boogaloos (Gema, 1967)

Kjelder

• Denne artikkelen bygger på «Boogaloo» frå Wikipedia på engelsk, den 13. februar 2012.

Bakgrunnsstoff

• «Boogalu» Arkivert 2007-03-04 ved Wayback Machine. ved salsaroots.com
• Artikkel ved Busca Salsa Arkivert 2006-04-20 ved Wayback Machine.