Border Song

«Border Song» er ein gospelballade av Elton John med tekst skriven av Bernie Taupin. Songen vart gjeven ut på albumet Elton John, og våren 1970 som den første singelen frå albumet. Singelen gjorde det dårleg i Storbritannia og vart gjeven ut i Nord-Amerika nokre månader seinare. Der gjorde han det betre, særleg i Canada der han nådde 34. plass.^[1] Dette var første gongen Elton John fekk ein av singlane sine inn på ei singelliste.

Border Song Singel av Elton John frå albumet Elton John
B-side	«Bad Side of the Moon»
Utgjeve	April 1970
Innspelt	Januar 1970 i Trident Studios
Sjanger	Gospel, rock
Lengd	3:22
Selskap	Congress (US/Canada) DJM Records
Tekstforfattar	Bernie Taupin
Låtskrivar(ar)	Elton John, Bernie Taupin
Produsent	Gus Dudgeon
Elton John-kronologi
«It's Me That You Need» (1969)	Border Song	«Rock n' Roll Madonna» (1970)

«Border Song» var òg den første songen til John som gjekk inn på lista i USA og nådde 92. plass.

Andre versjonar

Hyllestalbumet frå 1991, Two Rooms: Celebrating the Songs of Elton John & Bernie Taupin, inneheld ein versjon av songen av Eric Clapton.

I 1996 spelte Sophie B. Hawkins inn songen for filmmusikken til The Associate.