Borgarleg vigsel

Borgarleg vigsel er ei form for vigsel (inngåing av ekteskap) som blir utført av ein representant for staten,^[1] utan medverknad frå eit religiøst trussamfunn eller anna livssynssamfunn. Ein borgarleg vigsel er altså ein livssynsnøytral seremoni og ei rettsleg handling.

Den franske symjaren Ginette Jany giftar seg borgarleg i 1954.

Medan vigsel innan eit religiøst trussamfunn kan vera avgrensa til berre å vera for medlemmar av samfunnet, er borgarleg vigsel som regel open for alle som har rett til å inngå ekteskap.^[2]

Borgarleg vigsel i Noreg

Fram til 2017 var det notarius publicus, dsv. ein domar, dommarfullmektig eller annan tenestemann i tingretten som utførte borgarlege vigslar. Frå 2018 blei borgarleg vigsel eit kommunalt ansvar. Vigselen kan utførast av ordførarar, varaordførarar og andre kommunalt tilsette eller folkevalde slik som kommunestyret avgjer.^[3] Vilkåra for å inngå ekteskap og rettsverknadene av ekteskapsinngåinga i Noreg går fram av Lov om ekteskap frå 1991.

Sjå òg

• Vigsel
• Unitarisk vigsel
• Humanistisk vigsel