Boris Henry

Boris Henry (fødd 14. desember 1973), sidan 2013 Boris Obergföll, er ein tysk tidlegare friidrettsutøvar frå Völklingen som i eit tiår fram til 2006 var ein av verdas beste spydkastarar. Han vann bronsemedaljen i øvinga under verdsmeisterskapane 1995 og 2003, samt under EM 2002. Sin personlege rekord på 90,44 meter oppnådde han i 1997 ved eit stemne i Linz.

Boris Henry
Statsborgarskap	Tyskland
Fødd	14. desember 1973 (51 år) Völklingen
Idrett	friidrett
Tok del i	Sommar-OL 1996, Sommar-OL 2000
Utmerkingar	Saarland Athlete of the Year, Saarland Athlete of the Year, Saarland Athlete of the Year, Saarland Athlete of the Year

Aktiv

Boris Henry kasta over 80 meter for fyrste gong i 1993-sesongen, med 84,12 m som aller best. I 1995 auka han sitt personbeste til 88,46 m, dei komande fire sesongane oppnådde han ein årsbeste på 88 meter og lengre. Under VM 1995 i Göteborg sikra han seg bronsemedaljen, deretter enda han opp med plasseringar frå 5 til 7 i dei komande internasjonale meisterskapane. Den 9. juli 1997 kasta Henry 90,44 m då han vann GP-stemnet i Linz i Austerrike, hans livs lengste spydkast. Både i EM 2002 og VM 2003 sikra Henry seg bronsemedaljen i spydkast.

Henry var tysk meister åra 1995, 1997, 1998, 2000, 2003 og 2004. Han pådrog seg ein skulderskade under Sommar-OL 2004 og la opp.

Medaljar og plasseringar i internasjonale meisterskap

• VM 1993 i Stuttgart: Utslått i kvalifiseringa (77,42 m =nr 14)
• EM 1994 i Helsinki: Nr 11 – 76,88 m
• VM 1995 i Göteborg: Bronsemedalje – 86,08 m
• OL 1996 i Atlanta: Nr 5 – 85,68 m
• VM 1997 i Aten: Nr 6 – 84,54 m
• VM 1999 i Sevilla: Nr 6 – 85,43 m
• OL 2000 i Sydney: Nr 7 – 85,78 m
• VM 2001 i Edmonton: Nr 6 – 85,52 m
• EM 2002 i München: Bronsemedalje – 85,33 m
• VM 2003 i Paris: Bronsemedalje – 84,74 m

Boris Henry gifta seg i 2013 med spydkastaren Christina Obergföll og tok då hennar etternamn.

Kjelder

• Denne artikkelen bygger på «Boris Henry» frå Wikipedia på engelsk, den 7. mai 2020.