Boston maraton

Boston maraton er eit maratonløp som blir halde årleg i Boston i Massachusetts i USA. Det blei skipa i 1897, inspirert av maratonløpet ved dei fyrste olympiske leikane i Aten, og er dermed blant dei eldste maratonarrangementa i verda. Løpet blir halde på Patriots' Day, den tredje mandagen i april.^[1]

Frå Boston maraton i 2013

Løpet blei offisielt opna for kvinner i 1971, etter at kvinneaktivistar hadde delteke uoffisielt i løpet i nokre år.^[1] Den norske løparen Ingrid Kristiansen vann Boston maraton i 1986 og 1989.

Bombeåtak i 2013

For meir om dette emnet, sjå Boston maraton-bombinga.

15. april 2013, rundt tre timar etter at vinnarane hadde kryssa mållinja, blei det utløyst to bomber på Boylton Street, like ved mållinja. Løparar var framleis i ferd med å fullføre løpet då eksplosjonane fann stad. Tre personar blei drepne og fleire skadd.

Bakgrunnsstoff

• Offisiell nettstad