Break on Through (To the Other Side)

«Break on Through (To the Other Side)» er ein song av The Doors frå debutalbumet deira The Doors. Det var den første singelen til bandet og selde heller dårleg samanlikna med seinare hittar, og nådde berre 126. plass i USA. Trass i dette er han ein av signaturlåtane og dei mest populære songane til bandet.

Break On Through (To the Other Side) Singel av The Doors frå albumet The Doors
B-side	End of the Night
Språk	engelsk
Utgjeve	1. januar 1967
Innspelt	August 1966
Sjanger	Psykedelisk rock[1], proto-punk
Lengd	2:26
Selskap	Elektra
Tekstforfattar	Ray Manzarek
Låtskrivar(ar)	The Doors
Produsent	Paul A. Rothchild
The Doors-kronologi
	Break On Through (To the Other Side)	«Light My Fire» (1967)

24 år etter den originale amerikanske utgjevinga, vart «Break on Through» ein liten hit i Storbritannia og nådde 64. plass på lista der.

Oversyn

Songen opnar debutalbumet deira. Elektra Records ønskte songen sensurert og linja «she gets high», som vert repetert i den midtre delen av songen (etter linja «everybody loves my baby»). På den originale albumversjonen og alle andre utgjevingar fram til 1990-åra har ordet «high» sletta og Morrison syng berre «she gets» fire gonger før det siste skriket. Konsertutgåver og nyare utgåver av albumet har heile linja slik han var meint.

Komposisjon

Songen er skriven i 4/4-takt og er ganske rask. Melodien liknar songen «Stranger Blues» av bluesgitaristen Elmore James.

Stykket startar med ein jazz-aktig trommerytme, liknande opninga på «Soy Califa» av Dexter Gordon spelt av Billy Higgins. John Densmore likte den nye (på denne tida) bossa nova-bølgja som kom frå Brasil, så han valde å nytte dette i songen. Det kjem så inn eit orgel, liknande introduksjonen på Ray Charles sin «What'd I Say», medan basslinja er typisk basslinjer nytta i bossa nova.

Gitarriffet til Krieger kom opphavleg frå Paul Butterfield-songem «Shake Your Moneymaker».^[2] Han endra på nokre tonar, samt rytmen og kom med gitaren for songen.

Salstrofé

Region	Salstrofé	Salstal
Tyskland (BVMI)[3]	Gull	250 000^

Medverkande

• Jim Morrison – solovokal
• Ray Manzarek – Vox Continental-orgel, Fender Rhodes-pianobass
• Robby Krieger – elektrisk gitar
• John Densmore – trommer

Andre utgåver

Stone Temple Pilots spelte songen for hyllestalbumet til The Doors Stoned Immaculate. Det meksikanske hardrockbandet La Cuca har spelt songen som eit gøymt spor på albumet La Racha.

Då The Doors var med i ein episode av VH1 Storytellers med forskjellige gjesteartistar for Jim Morrison, song vokalist i Stone Temple Pilots, Scott Weiland på «Break on Through».

Det serbiske rockebandet Night Shift spelte songen i 2002 for debutalbumet Undercovers.