Brian Laudrup

Brian Laudrup (fødd 22. februar 1969) er ein dansk, tidlegare fotballspelar, fødd i Wien. Han er son til Finn Laudrup og yngre bror til Michael Laudrup. Laudrup var med på Danmarks fotballandslag som i 1992 vann europameisterskapen.

Brian Laudrup

Laudrup i 2013
Personleg informasjon
Fullt namn	Brian Laudrup
Fødd	22. februar 1969 (56 år)
Fødestad	Wien i Austerrike
Høgd	186 cm
Posisjon	Spiss, vinge, midtbane
Seniorkarriere*
År	Lag	Kampar	(Mål)
1986-1989	Brøndby	49	(13)
1989-1990	Bayer Uerdingen	34	(6)
1990-1992	Bayern München	53	(11)
1992	Fiorentina	31	(5)
1993-1994	→ Milan (lån)	9	(1)
1994-1998	Rangers	116	(33)
1998	Chelsea	7	(0)
1998-1999	København	12	(2)
1999-2000	Ajax	31	(13)
Totalt		342	(84)
Landslag
1984	Danmark U-17	6
1985-1987	Danmark U-19		(6)
1987-1988	Danmark U-21	5	(0)
1987-1998	Danmark	82	(21)
* Seniorklubbkampar og mål berre telt for nasjonal liga

Klubbspel

Laudrup debuterte i 1986 med Brøndby IF. Med klubben vart han danske seriemeister 1987 og 1988 og cupvinnar 1989. I 1989 flytta han til Tyskland og spelte ein sesong i bundesligaklubben Bayer Ürdingen. Sommaren 1990 gjekk han over til FC Bayern München, der han dei neste sesongane skåra 11 gongar på 53 seriekampar. Laudrup flytta i 1992 til den italienske førstedivisjonsklubben Fiorentina og eit år seinare til AC Milan, der han hadde lite suksess.

Før 1994/95-sesongen flytta han vidare til den skotske toppdivisjonsklubben Glasgow Rangers. Rangers vart seriemeister både 1995, 1996 og 1997, i 1996 vart klubben også cupvinnar.

Laudrup gjekk i 1998 til Chelsea FC i England, der han allereie første vinteren reiste til FC København. Grunna svake prestasjonar forlet han klubben straks før sesongslutt. Sesongen 1999-2000 spelte han for den ​​store nederlandske klubben Ajax Amsterdam. Ved sesongslutt la han opp grunna ein akillesskade som hadde plaga han ei tid.

Landslagsspel

Laudrup spelte 82 landskampar frå debuten i november 1987 til han spelte sin siste kamp i den landslagsstrøya, då Danmark i kvartfinalen under verdsmeisterskapen i fotball 1998 vart slått ut av Brasil med resultatet 2-3. I 1992 var han ein sentral spelar då Danmark vann 2-0 over Tyskland i EM-finalen i fotball 1992. Han skåra 21 landslagsmål.

Heider

• Årets spelar i Danmark i 1989, 1992, 1995 og 1997
• Årets spelar i Skottland i 1995 og 1997

Kjelder

• Denne artikkelen bygger på «Brian Laudrup» frå Wikipedia på tysk, den 22. februar 2012.