Brunkronepiha

Brunkronepiha (Lipaugus weberi) er ein sterkt truga fugleart i kotingafamilien som er endemisk for Colombia. Det kjente hekkeområdet er avgrensa til 42 km2 på nordsida av den sentrale fjellkjeda av Andes. Dette er aust for Nechí-dalen, sentralt i Antioquia-departementet. Arten vart oppdaga så seint som i 1999.^[1]

Brunkronepiha
Foto: Christoph Moning
Utbreiing og status
Status i verda: Kritisk truga Utbreiinga av brunkronepiha
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Kotingaer Cotingidae
Slekt:	Lipaugus
Art:	Brunkronepiha L. weberi
Vitskapleg namn
Lipaugus weberi Cuervo, Donegan, Ochoa & Salaman, 2001

Skildring

Denne pihaen er 24 centimeter i kroppslengd og har kroppsvekt på ca. 72 gram. Fjørdrakta er skifergrå med nøttebrun krone. Brunkronepihaer lever helst i våt skog, gjerne tåkeskog frå 1400 til 1925 moh. Frukt og ved høve òg store virvellause dyr gjer ut for dietten.^[1]

Populasjonen er estimert til å ligge i området under 250 individ totalt (år 2014), og er trudd å vere minkande. Verdas naturvernunion har kategorisert arten som kritisk truga, CR.^[2]