C'mon Everybody

«C'mon Everybody» er ein song frå 1958 av Eddie Cochran og Jerry Capehart, opphavleg gjeven ut som ei B-side. I 1959 nådde han sjetteplass i Storbritannia og tretti år seinare, i 1988, vart han gjeven ut på ny og nådde då 14. plass. I USA nådde songen 35. plass på Billboard Hot 100. «C'mon Everybody» er rangert på 403. plass på lista til Rolling Stone over dei 500 største songane gjennom tidene.

C'mon Everybody Singel av Eddie Cochran frå albumet The Eddie Cochran Memorial Album
B-side	Don't Ever Let Me Go
Utgjeve	oktober 1958
Innspelt	10. oktober 1958
Sjanger	Rock and roll
Lengd	1:57
Selskap	Liberty Records 55166 UK London HLU 8792
Komponist	Eddie Cochran
Låtskrivar(ar)	Eddie Cochran Jerry Capehart
Produsent	Eddie Cochran
Eddie Cochran-kronologi
«Summertime Blues» (1958)	C'mon Everybody	«Teenage Heaven» (1959)

Då Cochran spelte inn solovokalen for songen, skapte han òg ein alterantiv versjon av songen kalla «Let's Get Together». Den einaste skilnaden i teksten var berre tittelen: «Let's get together» i staden for «C'mon everybody».

Andre artistar som har spelt songen er NRBQ, Led Zeppelin, Sid Vicious, Humble Pie, Neon Rose (Sverige), Backbeat Band, UFO, Cliff Richard and the Shadows og Tomoyasu Hotei.

Songen vart nytta av Levi Strauss & Co. i ein reklame for 501-bukser i 1988.

Medverkande

• Eddie Cochran: vokal, gitar, gitar og trommer
• Connie 'Guybo' Smith: elektrisk bass
• Earl Palmer: trommer
• Ray Johnson: piano
• Kanskje Jerry Capehart: tamburin