Calypte

Calypte er ei biologisk slekt av fuglar i ordenen seglarfuglar (Apodiformes), i kolibrifamilien Trochilidae. Ho omfattar berre to artar som begge er heimehøyrande i Nord-Amerika, med utbreiing langs stillehavssida frå sørvestlege Canada, vestlege USA og sørover til det sentralvestlege Mexico.

Calypte
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Seglarfuglar Apodiformes
Familie:	Kolibriar Trochilidae
Underfamilie:	Trochilinae
Stamme:	Mellisugini
Slekt:	Calypte Gould, 1856

Det hokjønna slektsnamnet Calypte vart ikkje forklart av opphavspersonen, men det kjem truleg frå gresk kaluptrē, som tyder eit kvinneleg slør eller hovudplagg. Namnet viser truleg til den iriserande purpurfiolette krona og den lange strupepryden hjå hannen av ørkenkolibri, Calypte costae.^[1]

Kjenneteikn

Dei to kolibriartane i denne slekta veg gjennomsnittleg ca. 3-4,5 gram^[2] måler rundt 9-10 cm i lengd, med raudmaskekolibri (C. anna) som den største. Ørkenkolibrien sin strupeflekk og hette er sterkt iriserande fiolett, mendan raudmaskekolibri har lys raud farge. Hos raudmaskekolibri har hofuglar ein liten, sentral strupeflekk, ikkje alle hoer av ørkenkolibrien har slik flekk.^[3][4]

Systematikk

Slekta Calypte vart foreslått av den britiske ornitologen John Gould i 1856. Typearten vart seinare definert som Ornismya costae, i dag ørkenkolibri på norsk.

Artsoversyn

Slekt Calypte i rekkjefølgje etter IOC World Bird List V15.1, 2025,^[5] med norske namn etter Norske navn på verdens fugler.^[6] Verdas naturvernunion, IUCN, har vurdert begge artane som livskraftige:^[7]

Bilete	Norsk namn	Vitskapleg namn	Autor	Utbreiing
	Raudmaskekolibri	Calypte anna	(Lesson, RP, 1829)
	Ørkenkolibri	Calypte costae	(Bourcier, 1839)