Canadadagen

Canadadagen (engelsk Canada Day, fransk Fête du Canada) er nasjonaldagen i Canada, feira den 1. juli til minne om loven British North America Act frå 1867 som skapa den canadiske konføderasjonen. Han blei tidlegare kalla Dominionsdagen (Dominion Day) eller Konføderasjonsdagen (Dominion Day, Jour de la Confédération).

Barn på canadadagparaden i Montreal i 2004.

Snowbirds flyg på canadadagen i 2008 ved det canadiske parlamentet i Ottawa.

Opphav

Dagen er også kjend som fødselsdagen til Canada.^[1][2][3] Markeringa er til minne om då tre koloniar i Britisk Nord-Amerika - Nova Scotia, New Brunswick og Provinsen Canada - blei ein føderasjon av fire provinsar (provinsen Canada blei delt i Ontario og Quebec) den 1. juli 1867. Sjølv om Canada då kan reknast for å ha blitt eit eige rike,^[4][5][6] heldt Storbritannia på ein avgrensa rett til politisk kontroll over landet. Denne blei gradvis avskaffa. I 1982 fekk Canada fullstendig sjølvstende gjennom Constitution Act, 1982 og det britiske motstykket Canada Act 1982. Dette året bytta ein også namnet på nasjonaldagen til det novarande.