Quebec

Québec (fransk [kʰeˈbɛk] høyr^ⓘ) eller Quebec (engelsk [kʰwəˈbɛk] eller som fransk) er ein provins i austre Canada. Québec er den største provinsen i utstrekking og det nest største administrative området, etter territoriet Nunavut. Han er den andre folkerikaste i landet, med mesteparten av innbyggjarane busette langs eller nær St. Lawrence-elva. Han grensar til Ontario, New Brunswick, Newfoundland og Labrador, og til USA (statane New York, Vermont, New Hampshire og Maine) i sør.

For byen, sjå Québec

Québec
Quebec
provins
Flagg Symbol
Motto: Je me souviens ('Eg kjem i hug')
Land	Canada
Hovudstad	Québec
Største by	Montréal
Areal	1 542 056 km²
Folketal	8 501 833 (2021)[1]
Grunnlagd	1. juli 1867
Språk	fransk
Quebec 52°N 72°W / 52; -72
Kart som viser Quebec. Kart som viser Quebec.
Wikimedia Commons: Quebec

Det offisielle språket i provinsen er fransk; dette er den einaste provinsen i Canada der engelsk ikkje har denne statusen. Québec vert difor sett på som ein eigen nasjon internt i Canada.

Namn

Samuel de Champlain.

Ordet quebec – som betyr 'der elva smalnar' på algonkinsk – vart brukt av algonkin-, cree og mi'kmaq-folk for å visa til innsnevringen av St. Lawrence-elva ved Cap Diamant, grunnleggarstaden til byen Québec (3. juli 1608) og «byrjinga av landet og provinsen Canada» (7. september 1535).^[2] I 1632 beskreiv Samuel de Champlain staden slik: «[…] eit sund i elva, som indianarane seier […].»^[3] Namnet er attestert med ulike stavemåtar: Qvebecq i 1601;^[4] Quebeck eller Kébec i 1609;^[5] Québec i 1613.^[6] og Kebbek^[7]