Castilla y León

Castilla y León er ein av 17 autonome regionar i Spania. Det vart oppretta ut frå Gamle Castilla (spansk Castilla la Vieja) og León i 1983. Regionen er den største i Spania med eit areal på 94 223 km².

Castilla y León
region
Flagg Symbol
Land	Spania
Hovudstad	Valladolid
Areal	94 223 km²
Type	Autonom region
Folketal	2 388 350 (2024)[1]
Postnummer	CL
Castilla y León 41.754444444444°N 4.7819444444444°W / 41.754444444444; -4.7819444444444
Wikimedia Commons: Castile and León

Geografi

Castilla y León grensar til Asturias og Cantabria i nord, Aragón, Baskarland og La Rioja i aust, regionen Madrid og Castilla-La Mancha i søraust, Extremadura i sør, og Portugal og Galicia i vest.

Castilla y León dekker stort sett heile den spanske delen av nedslagsfeltet til elva Douro på den nordlege halvdelen av Meseta Central, eit stort platå midt på Den iberiske halvøya. Regionen omfattar òg nokre av dei tilknytte dalane, som El Bierzo (León) og fleire isolerte fjelldalar som Laciana (León), Valle de Mena (Burgos) og Valle del Tiétar (Ávila).

Provinsar

«Las Médulas», gamle romerske gullgruver.

Foto: Rafael Ibáñez Fernández

Castilla y León er delt inn i ni provinsar:

• Ávila
• Burgos
• León
• Palencia
• Salamanca
• Segovia
• Soria
• Valladolid
• Zamora

Kvar av desse provinsane er kalla opp etter dei respektive provinshovudstadane.

Sjå òg

• Kongedømet Castilla
• Kongedømet León
• Gamle Castilla