Charlottenborg i Danmark

Charlottenborg er ein bygning ved Kongens Nytorv i sentrale København i Danmark. Her ligg mellom anna Det Kongelige Danske Kunstakademi.

Charlottenborg i Danmark
Arkitekt	Ewert Janssen
Stil	Barokkarkitektur
Charlottenborg 55.680277777778°N 12.5875°E / 55.680277777778; 12.5875

Den eldste delen av Charlottenborg stammar frå slutten av 1670-talet.

Historie

Hagen bak Gyldenløves palé, det noverande Charlottenborg på Kongens Nytorv. Ein kan sjå Ulrik Frederik Gyldenløve med fjørpryda hatt midt i bildet.^[1] Måleri av Jacob Coning frå 1694.

Charlottenborg i 1870-åra. Frå J.P. Trap: Kongeriget Danmark 2. utgåve 1879

Charlottenborg blei oppført for Ulrik Frederik Gyldenløve i åra 1672-1683 og var ein av dei første større bygningane som blei oppførte ved Kongens Nytorv, som då var nytt. Bygningen var i tillegg eun av dei første barokkbygningane som blei bygga i Danmark.^[2]

Kunstakademiet

Det danske Kunstakademiet blei formelt oppretta i 1754 og overtok ein stor del av Charlottenborg. I 1787 blei paléet endeleg overdratt til akademiet som eigedom, og brukt av dei til våre dagar, bortsett frå i ein periode etter brannen i København i 1795, då fleire institusjonar flytta inn midlertidig.