Chlorospingus

Chlorospingus er ei biologisk slekt av mellomstore sporvefuglar som lever i Sentral-Amerika og sørover langs foten av Andes til Argentina. Slekta er ein del av amerikasporvfamilien, Passerellidae. Tidlegare var dei rekna som tanagarar, i dag har dei norske artsnamna fellesleddet «tanagarsporv».

Chlorospingus
Breibryntanagarsporv, Chlorospingus pileatus Illustrasjon av John Gerrard Keulemans, 1902
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Overorden:	Passerimorphae
Orden:	Sporvefuglar Passeriformes
Familie:	Amerikasporvfamilien Passerellidae
Slekt:	Chlorospingus Cabanis, 1851

Skildring

Dette er fuglar på rundt 14 centimeter i kroppslengd med fjørdrakt i avdempa farger dominert av gult, grønt og grått, ofte med mørkt hovud. Nokre har kvitt i buken, og eller kvite område på hovudet. Til dømes breibryntanagarsporv, C. pileatus, som har svart hovud, brei, kvit augebrunstripe og kvitt i strupen. Busktanagarsporv, C. flavopectus, representerer vidaste utbreiinga i slekta rekna i antal land, frå Argentina i sør til Mexico i nord. I Mexico er dei funne i høgder opptil 3500 moh.^[1]

Artslista

Det er åtte eller ni artar i denne slekta avhengig av taksonomisk standpunkt.^{[note 1][2]}

Chlorospingus i rekkjefølgje etter EBird/Clements Checklist v2018^[3] med norske namn etter Norske navn på verdens fugler:^[4]

• Gulhaketanagarsporv, Chlorospingus flavigularis, Yellow-throated Chlorospingus, Sclater, 1852, (LC)
• Gulskjeggtanagarsporv, Chlorospingus parvirostris, Short-billed Chlorospingus, Chapman, 1901, (LC)
• Gråstrupetanagarsporv, Chlorospingus canigularis, Ashy-throated Chlorospingus, Lafresnaye, 1848, (LC)
• Breibryntanagarsporv, Chlorospingus pileatus, Sooty-capped Chlorospingus, Salvin, 1864, (LC)
• Busktanagarsporv, Chlorospingus flavopectus, Common Chlorospingus, Du Bus de Gisignies, 1847, (LC)
• Tacarcunatanagarsporv, Chlorospingus tacarcunae, Tacarcuna Chlorospingus, Griscom, 1924, (LC)
• Pirretanagarsporv, Chlorospingus inornatus, Pirre Chlorospingus, Nelson, 1912, (LC)
• Gråbrysttanagarsporv, Chlorospingus semifuscus, Dusky Chlorospingus, Sclater & Salvin, 1873, (LC)
• Gursetanagarsporv, Chlorospingus flavovirens,^{[note 1]} Yellow-green Chlorospingus, Lawrence, 1867, (VU)