Chris Lowe

Christopher Sean «Chris» Lowe (fødd 4. oktober 1959)^[1] er ein engelsk musikar som i lag med Neil Tennant utgjer popduoen Pet Shop Boys.

Chris Lowe
Chris Lowe (venstre) med Neil Tennant under ein Pet Shop Boys-konsert i Boston i 2006
Fødd	4. oktober 1959 (65 år)
Fødestad	Blackpool i Lancashire i England
Fødenamn	Christopher Sean Lowe
Opphav	Storbritannia
Aktiv	1981 til i dag
Sjanger	Synthpop, dance, IDM, pop, electropop, electronica
Instrument	Synthesizer, piano, elektroniske trommer, vokal, klaverinstrument
Kjende instrument	Fairlight CMI Korg Triton Extreme Korg M3 Emu Emulator
Tilknytte artistar	Pet Shop Boys
Plateselskap	EMI, Parlophone, Spaghetti
Verka som	Musikar, klaverspelar

Sjølv om Lowe ikkje har vore involvert i mange soloprosjekt, skreiv han og produserte i 1993 songen «Do the Right Thing» for fotballspelaren Ian Wright (Lowe er stor Arsenal F.C.-fan).^[2] I 2004 skreiv Lowe musikk for ein reklamekampanje for solkremen Blockhead. Songen enda opp i ei remiksa form på ei chill-out-samling kalla Café Mambo.

I 1995 dukka han opp som seg sjølv i den australske såpeoperaen Neighbours.^[3]

Etter Pet Shop Boys byrja å halde faste konsertar, vart Lowe kjend for å stå heilt stille medan han spelte klaverinstrument på scenen.^[4] I 1995 skreiv The Guardian at han var «kanskje meir kjend enn nokon andre i popindustrien for å gjere nesten ingenting».^[5]