Kristian III av Danmark-Noreg

Kristian III (12. august 1503–1. januar 1559) var den dansk-norske kongen som fullførte reformasjonen og oppheva det norske riksrådet og dermed norsk sjølvstende.^[1]

Kristian III (òg Christian, Christiern)
Kristian III av den tyske målaren og kopparstikkeren Jacob Binck
Konge av Danmark og Noreg
Regjeringstid	Danmark: 1534–1559 Noreg: 1536–1559
Fødd	12. august 1503
Fødestad	Gottorp slott
Død	1. januar 1559
Dødsstad	Kolding
Gravstad	Roskilde domkyrkje
Gift med	Dorothea av Sachsen-Lauenburg
Dynasti	Fyrstehuset Oldenburg
Far	Fredrik I av Danmark-Noreg
Mor	Anna av Brandenburg
Born	Hans den yngre av Sønderborg, Anna av Sachsen, Fredrik II av Danmark-Noreg, Magnus av Øsel, Dorothea av Danmark

Kristian var den eldste sonen til Fredrik I og Anna av Brandenburg. Han var av den oldenburgske slekta og vart fødd på Gottorp slott. Han var konge av Danmark og Noreg frå 1534. Under ei reise i utlandet var han med på riksdagen i Worms i 1521, og blei sterkt påverka av Martin Luther.

Han var gift med Dorothea av Sachsen-Lauenburg og far til mellom anna etterfylgjaren Fredrik II.