Christian Selmer

Christian August Selmer (16. november 1816–1. september 1889) var ein norsk statsminister, jurist og konservativ politikar.

Christian Selmer
Fødd	16. november 1816 Halden kommune
Død	1. november 1889 (72 år)
Statsborgar av	Noreg
Parti	Høgre
Religion	Den norske kyrkja
Yrke	politikar, byfogd, advokat, auditør
Utdanna ved	Universitetet i Oslo
Barn	Jørgen Selmer, Ida Hellesen
Alle verv	stortingsrepresentant (1871–1873) Norsk statsminister (1880–1884) stortingsrepresentant (1874–1876) Norsk justisminister (1877–1878) Norges armeminister (1874–1875) Norges armeminister (1875–1875) Norges armeminister (1879–1880) Norges indreminister (1875–1876) Norges indreminister (1878–1879) Norges revisjonsminister (1879–1879) medlem av statsrådsavdelingen i Stockholm (1876–1877)

Selmer var fødd i Fredrikshald, der faren var kjøpmann. Han vart student i 1837 og cand. jur. i 1842. Deretter var han sorenskrivarfullmektig fram til 1846, før han i to år var kopist i dels finans-, dels justisdepartementet. Han var sakførarfullmektig frå 1848, underrettssakførar i Drammen frå 1850. Frå 1862 vart han byfut same staden.

1871-74 var Selmer 2. representant frå Drammen på Stortinget. Han var medlem av justiskomite nr 1, formann i komiteen 1874. Sommaren 1874 gjekk inn i statsrådet. Han var fyrst justisminister, seinare indreminister fram til 1880.

Hausten 1880 danna Selmer eit nytt ministerium. Under den politiske striden om statsrådars tilgang til Stortinget vart Selmer-ministeriet sett under riksrettstiltale. 27. februar 1884 dømde riksretten Selmer til å ha sitt «embete forbrutt», fyrst og fremst for å ha frårådd sanksjon i statsrådssaka. 11. mars gjekk Selmer av. Deretter vart Selmer frådømt embetet sitt. 8. april same året vart han konstituert generalauditør for hær og marine.

Selmer døydde på Bygdøy i Kristiania i 1889.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Christian Selmer NSD Norsk senter for forskningsdatas politikararkiv