Kristoffer av Bayern

Kristoffer av Bayern (26. februar 1416–6. januar 1448) var ein dansk, norsk og svensk konge. Kristoffer var konge av Danmark 1440–1448 som «Christoffer 3. af Bayern» (Christoffer III). Han var òg konge av Sverige 1441–1448, og konge av Noreg 1442–1448.^[1]

Kristoffer av Bayern
Konge av Danmark, Sverige og Noreg
Regjeringstid	Danmark: 1440–1448 Sverige: 1441–1448 Noreg: 1442–1448
Fullt namn	Christopher Wittelsbach
Fødd	26. februar 1416
Fødestad	Neumarkt in der Oberpfalz
Død	6. januar 1448
Dødsstad	Helsingborg
Gravstad	Roskilde domkyrkje
Føregangar	Erik av Pommern (Danmark, Noreg) Karl Knutsson Bonde (riksforstandar, Sverige)
Etterfølgjar	Danmark: Kristian I Noreg: Karl I Sverige: Bengt Jønsson Oxenstierna; Nils Jønsson Oxenstierna (riksforstandar)
Gift med	Dorothea av Brandenburg
Dynasti	House of Palatinate-Neumarkt
Far	Johann
Mor	Katarina av Pommern

Kristoffer av Bayern var son av grev Johan av Pfalz og Catharina, syster til Erik av Pommern. I ungdomen gjorde han teneste hjå den tyske keisaren. I 1437 bad det danske riksrådet Kristoffer om å overta den danske trona, etter at Erik av Pommern hadde trekt seg attende til Gotland. Kristoffer sa ja til tilbodet, og den 9. april 1440 vart han hylla som konge på Viborg Landsting.

Tilhøva i Danmark var særs vanskelege. Både Noreg og Sverige hadde sagt opp unionen. Trass i dette greidde han å verta konge av alle tre kongerika.

Kristoffer døydde av feber på festninga «Kernen» (Kärnan) i Helsingborg den 6. januar 1448. Han vart gravlagd i Roskilde Domkyrkje. Enkja, Dorothea, vart i oktober 1449 gift med kong Kristian I.

Etter at Kristoffer døydde tilaud det danske riksrådet trona til hertug Adolf VIII, men han peika i staden ut systerson sin, grev Kristian av Oldenburg.