Sitronkake

Sitronkake er ei kake smaksett med sitron. Ein kan bruka både sitronjus og sitronskal, i sjølve kaka, i fyllet og til glasur.^[1][2][3]

Oppskoren sitronkake i bundtform.

Sitronkake med mandlar og melisdryss

Vanlege sitronkaker er formkake med glasur, som gjerne er kvit og ligg i eit lag oppå kaka. Den eldste kjende norske oppskrifta på slik sitronkake er frå 1835.^[4] Ein variant av kaka er engelsk lemon drizzle cake, der glasuren er litt rennande^[5] og blir helt over kaka medan ho er varm.^[6] Det finst også variantar utan glasur.^[7]

Sitronkaker er vanlege på kafear. Fleire av dei blir også selde ferdiglaga i butikkar. Eit dansk døme på dette er citronmåne, som blir laga av Dan Cake.^[8]

Ulike sitronkaker

• Ein kjent japansk sitronkakevariant har form som ein sitron.^[9] Denne finst som ein spesialitet ein kan kjøpa i pakkar.^[10][11]
• Lemon bar eller lemon square, kake av shortbread fylt med sitronkrem.
• Lemon chiffon cake er ei svært lett kake som kan innehalda saft og skal av sitron.^[12]
• Lemon ice box pie er ein dessert laga av sitronjus, egg og kondensert mjølk i paideig,^[13][14] ofte laga av grahamkjeks og smør.^[15]
• Sitronterte er ei terte fylt med sitronkrem og eventuelt marengs. Ein variant med marengs er lemon meringue pie.
• Limonnik er ei ukrainsk sitronkake laga utan egg.
• Madeira cake er ei britisk sitronkake utan glasur, men som kan pyntast med sitronskal^[16]
• Shaker Lemon Pie – sitronpai utvikla av den religiøse gruppa kjend som shakers.
• Sussex Pond Pudding – traditsjonell engelsk pudding laga med ein heil sitron inni ister-paideig.

Galleri

• 
  Citronhalvmåne
• 
  Japansk sitronkake med form som ein sitron
• 
  Lemon bar
• 
  Lemon ice box pie
• 
  Lemon chiffon cake
• 
  Ostekake med sitron
• 
  Sitronterte
• 
  Sussex Pond Pudding