Cosimo Rosselli

Cosimo di Lorenzo Rosselli (1439–7. januar 1507) var ein italiensk renessansemålar som arbeidde i Firenze og Roma.

Madonna og barn med englar, ca 1480

Cosimo Rosselli
Statsborgarskap	Italia
Fødd	1439 Firenze
Død	17. januar 1507 (67 år) Firenze
Yrke	kunstmålar
Cosimo Rosselli på Commons

Rosselli var frå Firenze. I åra 1453-56 var han elev av Neri di Bicci, kanskje også av Benozzo Gozzoli. I 1481 deltok han i utsmykkinga av det sixtinske kapellet, på oppdrag frå pave Sixtus IV. Han måla der Nattverden og Moses tek mot lovtavlene med meir. Mellom verka hans i Firenze er freskoane i Santissima Annunziata og Sant’Ambrogio.

Rosselli var teknisk sett ein framifrå målar, men han mangla originalitet. Han måla i ein ganske streng lineær og stiv stil. I sine seinare år måla han i ein stil som minner om Filippino Lippi. Fra Bartolommeo, Andrea del Sarto og Piero di Cosimo var mellom dei han hadde til elevar.

Kjelder

Aschehougs kunsthistorie. Bind 4 Kunstleksikon

Bakgrunnsstoff

Commons har multimedium som gjeld: Cosimo Rosselli