Cowboyhatt

Cowboyhatt er ein type hatt med brei brem og høg pull som særleg er knytt til Vesten i USA og den nordamerikanske cowboyen. I dag kan han brukast av fleire ulike menneske, som ranch-arbeidarar i vestlege og sørlege USA, vestlege Canada og nordlege Mexico, av rodeo-deltakarar og av countrymusikarar. Han er kjend over heile verda som eit symbol på Det ville vesten.

Cowboyhatt av filt

Cowboyhatt av strå

Den første hatten for bruk i Vesten var den såkalla Boss of the Plains, utforma av John B. Stetson. Etter denne kom den såkalla Carlsbad-modellen med fold på toppen av pullen.^[1] Dei avleidde filthattane med høg pull og vid brem er blitt nært knytt til cowboyar og western-kultur.^[2]