Cyrus P. Smith

Cyrus Porter Smith (5. april 1800–13. februar 1877) var ein amerikansk politikar. Han var borgarmeister iBrooklyn frå 1839 til 1842.

Cyrus P. Smith
Fødd	5. april 1800 Hanover
Død	13. februar 1877 (76 år)
Yrke	politikar
Utdanna ved	Dartmouth College
Far	Edward Smith

Bakgrunn

Smith var fødd på ein gard i Hanover i New Hampshire, og arbeidde seg gjennom Dartmouth College.^[1] Etter å ha studert juss i Connecticut flytta han til Brooklyn i 1827. Han kom til byen med få kontakter og ressursar, og blei kjend gjennom å ha deltatt aktivt i presidentvalkampen i 1828 og som korleiar i First Presbyterian Church i byen.^[1][2]

Deltaking i samfunnslivet

Smith hadde stillingar som sekretær for Board of Trustees for Brooklyn og deretter for Corporation Counsel.

I 1839 blei han vald til borgarmeister av Board of Trustees. Han blei den fyrste folkevalde borgarmeisteren i Brooklyn i 1840. Han tapte så for demokraten Henry C. Murphy i 1842.^[3]

Smith blei seinare senator i delstaten. Han var òg involvert i andre samfunnsverv, og var medlem av Board of Education i tretti år, og var medgrunnleggar av både Green-Wood Cemetery (der han seinare blei gravlagd) og Brooklyn City Hospital.

Smith & Bulkley

Etter å ha forlate dei offentlege embeta sin slo Smith seg saman med forretningspartneren William F. Bulkley om å danna føretaket Smith & Bulkley. Smith var president i selskapet, med mange jernbane- og ferjeføretak i Brooklyn, mellom anna Catherine Ferry og Gouverneur Street Ferry.^[2]

Familie

Eit av barnebarna hans var illustratøren Pamela Colman Smith.