Déjà Vu av Crosby, Stills, Nash & Young

Déjà Vu er det andre albumet av trioen Crosby, Stills og Nash og det første som kvartetten Crosby, Stills, Nash & Young. Det kom ut i mars 1970 på Atlantic Records og toppa den amerikanske popalbumlista i ei veke. Albumet inneheldt òg tre Topp 40-singlar: «Teach Your Children», «Our House» og «Woodstock».

Déjà vu Studioalbum av Crosby, Stills, Nash & Young
Språk	engelsk
Utgjeve	11. mars 1970
Innspelt	Juli 1969 til januar 1970
Studio	Wally Heider's Studio C San Francisco Wally Heider's Studio III Los Angeles
Sjanger	Folk folkrock
Lengd	36:24
Selskap	Atlantic
Produsent	Crosby, Stills, Nash & Young
Crosby, Stills, Nash & Young-kronologi
Crosby, Stills & Nash (1969)	Déjà vu	4 Way Street (1971)
Singlar frå Déjà vu
«Woodstock» Utgjeve: Mars 1970 «Teach Your Children» Utgjeve: Mai 1970 «Our House» Utgjeve: September 1970 «Carry On» Utgjeve: November 1970

Meldingar
Karakter
Kjelde	Karakter
Allmusic	[1]
Christgau's Record Guide	(B−)[2]
Rolling Stone	Middels[3]
The Village Voice	B+[4]

Det vart gjeve ut på ny i 1977 og omslaget vart då endra frå svart til brunt. I 2012 vart albumet rangert på 147. plassen på lista til Rolling Stone over dei 500 beste albuma gjennom tidene. Det har selt til sjudobbelt platinaplate i USA og har selt litt over åtte millionar eksemplar. Det er sålangt det bestseljande albumet til kvar av bandmedlemmane.

Histoie

Déjà Vu var eit etterlengta album etter suksessen til det første CSN-albumet og etter at Neil Young var komen inn i gruppa. Stills estimerer at det tok dei 800 timar i studio å spele inn albumet. Dette talet kan vere noko overdrive, men kvart spor har fleire omhyggelege detaljar.^[5] Alle songane, bortsett frå «Woodstock», vart spelte inn som individuelle innspelingar av kvart medlem og dei andre medlemmene bidrog der dei vart samde om det. Young er ikkje med på alle spora, og trommeslagar Dallas Taylor og bassist Greg Reeves er oppførte på plateomslaget med namn i mindre bokstavar. Grateful Dead-gitaristen Jerry Garcia speler pedalsteelgitar på «Teach Your Children» og den tidlegare Lovin' Spoonful-frontmannen John Sebastian speler munnspel på tittelsporet.

Det vart gjevne ut fire singlar frå albumet og alle utanom den siste, «Carry On», gjekk inn på Billboard Hot 100. Songen «Country Girl» av Young er ein suite sett saman av tre songfragment kalla «Whiskey Boot Hill», «Down Down Down» og «Country Girl (I Think You're Pretty)» og er òg oppførte slik på plateomslaget. I mai 1970, to månader etter albumet kom ut, spelte bandet inn Neil Young sitt raske svar til Kent State-massakren, «Ohio». Denne singelen kom ut i lag med Stephen Still sin «Find the Cost of Freedom» og vart gjeven ut i juni same året. Singelen nådde 14. plass på singellista.

Albumet vart særs populært og medverka til at dei påfølgjande soloalbuma til kvar av dei fire medlemmene òg vart populære. David Crosby gav ut If I Could Only Remember My Name, Stephen Stills gav ut debutalbumet sitt kalla opp etter seg sjølv, Graham Nash gav ut Songs for Beginners og Neil Young kom med After the Gold Rush.

I 2003 var dette albumet rangert på 148. plassen på lista til Rolling Stone over dei 500 beste albuma gjennom tidene.^[6] Same året kåra VH1 Déjà Vu til det 61. beste albumet nokon gong. På den reviderte Rolling Stone-lista frå 2012 var albumet flytta opp ein plass til 147. plassen.

Albumet kom ut på CD for andre gongen den 6. september 1994 med nymastra lyd av Joe Gastwirt. I 1997 spelte gitaristen Fareed Haque heile albumet i jazzform for Blue Note Cover Series.

Innhald

Side ein

Nr.	Tittel	Låtskrivar(ar)	Solovokal	Lengd
1.	«Carry On»	Stephen Stills	Stills	4:26
2.	«Teach Your Children»	Graham Nash	Nash	2:53
3.	«Almost Cut My Hair»	David Crosby	Crosby	4:31
4.	«Helpless»	Neil Young	Young	3:33
5.	«Woodstock»	Joni Mitchell	Stills	3:54

Side to

Nr.	Tittel	Låtskrivar(ar)	Solovokal	Lengd
1.	«Déjà Vu»	David Crosby	Crosby	4:12
2.	«Our House»	Graham Nash	Nash	2:59
3.	«4 + 20»	Stephen Stills	Stills	2:04
4.	«Country Girl (Whiskey Boot Hill, Down Down Down, Country Girl (I Think You're Pretty))»	Neil Young	Young med Crosby, Stills & Nash	5:11
5.	«Everybody I Love You»	Stephen Stills Neil Young	Stills med Crosby & Nash	2:21

Medverkande

• David Crosby – vokal alle spor utanom «4+20»; rytmegitar på «Almost Cut My Hair», «Woodstock», «Déjà vu», «Country Girl» og «Everybody I Love You»
• Stephen Stills – vokal alle spor utanom «Almost Cut My Hair»; gitar alle spor utanom «Our House»; klaverinstrument på «Carry On», «Helpless», «Woodstock» og «Déjà Vu»; bass på «Carry On», «Teach Your Children» og «Déjà vu»; perkusjon på «Carry On»
• Graham Nash – vokal alle spor utanom «Almost Cut My Hair» og «4+20»; klaverinstrument på «Almost Cut My Hair», «Woodstock», «Our House» og «Everybody I Love You»; rytmegitar på «Teach Your Children» og «Country Girl»; perkusjon på «Carry On» og «Teach Your Children»
• Neil Young – vokal på «Helpless» og «Country Girl»; gitar på «Almost Cut My Hair», «Helpless», «Woodstock», «Country Girl» og «Everybody I Love You»; klaverinstrument, munnspel på «Country Girl»

Andre medverkande

• Dallas Taylor – trommer alle spor utanom «4+20»; tamburin på «Teach Your Children»
• Greg Reeves – bass på «Almost Cut My Hair», «Helpless», «Woodstock», «Our House», «Country Girl» og «Everybody I Love You»
• Jerry Garcia – pedalsteelgitar på «Teach Your Children»
• John Sebastian – munnspel på «Déjà vu»

Produksjon

• Crosby, Stills, Nash & Young – produsentar
• Bill Halverson – lydteknikar
• Gary Burden – kunstnarisk leiar og design
• Henry Diltz, Tom Gundelfinger – fotografi
• Elliot Roberts – leiing
• David Geffen – agent
• Joe Gastwirt – digital nymastring

Salslister

Vekeslister

Liste (1970)	Plassering
Australske album (ARIA)[7]	1
Britiske album (OCC)[8]	5
US Billboard 200[9]	1

Singlar

Billboard (USA)^[10]

År	Singel	Liste	Plassering
1970	«Our House»	Pop Singles	30
1970	«Teach Your Children»	Pop Singles	16
1970	«Woodstock»	Pop Singles	11

Salstrofé

Region	Salstrofé	Salstal
Frankrike (SNEP)[11]	Platina	300 000*
Tyskland (BVMI)[12]	Gull	250 000^
Sveits(IFPI Switzerland)[13]	Gull	25 000x
USA (RIAA)[14]	7× Platina	7 000 000^
*salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine