Stephen Stills av Stephen Stills

Stephen Stills er det første soloalbumet til den amerikanske musikaren Stephen Stills gjeve ut på Atlantic Records i 1970. Det er eit av fire høgprofilerte album som kvart av medlemmane i Crosby, Stills, Nash & Young gav ut i 1970 etter albumet Déjà Vu. Stills dediserte albumet til Jimi Hendrix, som døydde to månader før albumet kom ut i butikkane.

Stephen Stills Studioalbum av Stephen Stills
Utgjeve	16. november 1970 (USA) 27. november 1970 (Storbritannia)
Innspelt	Juni og juli 1970
Studio	Island Studios i London; The Record Plant i Los Angeles; Wally Heider Studios i Los Angeles
Sjanger	Folkrock hardrock[1]
Lengd	38:56
Selskap	Atlantic
Produsent	Stephen Stills, Bill Halverson
Stephen Stills-kronologi
Super Session (1968)	Stephen Stills	Stephen Stills 2 (1971)

Meldingar
Karakter
Kjelde	Karakter
Allmusic	[1]
Robert Christgau	(C+)[2]

Innhald

Stills har med seg ei lang rekkje kjende gjestemusikarar, inkludert John Sebastian, David Crosby og Graham Nash, som medverka med vokal. Ringo Starr speler trommer på to songar under pseudonymet «Richie»,^[3] som han òg brukte då han spelte på albumet London Sessions av Howlin' Wolf, som vart spelt inn i England same året. I tillegg spelar både Eric Clapton og Jimi Hendrix gitar på kvar sin song, så dette er det einaste albumet der begge desse to gitaristane deltek på.

Songen «We Are Not Helpless» vart feilaktig trudd å vere eit svar til Neil Young-songen «Helpless» frå Déjà Vu.^[4] «Love the One You're With» er den største hitten Stills har hatt som soloartist, og nådde 14. plassen på Billboard Hot 100 den 19. desember 1970, og ein annan singel frå albumet, «Sit Yourself Down», nådde 37. plassen i mars 1971.^[5]

Albumet nådde tredjeplassen på Billboard Top Pop Albums-lista^[6] den første veka av 1971. Det kom ut på ny på WEA etter å ha blitt digitalt nymastra i 1995.

«We Are Not Helpless» og «Love the One You're With» vart først framført på konsert den 12. mai 1970 under Déjà Vu-turneen til Crosby, Stills, Nash & Young. I 2009 gav Crosby, Stills, & Nash ut Demos med ein tidleg demoversjon av «Love the One You're With».

Meldingane for albumet var blanda. Ed Ward skreiv i Rolling Stone då albumet kom ut at han følte albumet hadde ein «unnvikande» kvalitet, og sjølv om han ikkje mislikte albumet, og likte delar av det, meint han at det mangla noko «kjøt på beinet».^[7]

I ei nyare melding kalla Allmusic albumet «ei måpande oppleving» som var nesten like bra som Crosby, Stills & Nash og Déjà Vu^[1]

Innhald

Alle spor skrivne av Stephen Stills

Side ein

Nr.	Tittel	Lengd
1.	«Love the One You're With»	3:04
2.	«Do for the Others»	2:52
3.	«Church (Part of Someone)»	4:05
4.	«Old Times Good Times»	3:39
5.	«Go Back Home»	5:54

Side to

Nr.	Tittel	Lengd
1.	«Sit Yourself Down»	3:05
2.	«To a Flame»	3:08
3.	«Black Queen»	5:26
4.	«Cherokee»	3:23
5.	«We Are Not Helpless»	4:20

Medverkande

• Stephen Stills – vokal, gitar, bass, piano, orgel, steeltromme, perkusjon; horn- og strykearrangement på «Church», «To a Flame» og «Cherokee»; elektrisk sitar på «Cherokee»
• Jimi Hendrix – elektrisk gitar på «Old Times Good Times»
• Eric Clapton – elektrisk gitar på «Go Back Home»
• Booker T. Jones – orgel på «Cherokee»; korvokal på «We Are Not Helpless»
• Calvin «Fuzzy» Samuel – bass på «Love the One You're With», «Church», «Old Times Good Times», «Go Back Home» og «Sit Yourself Down»
• Conrad Isidore – trommer på «Church» og «Old Times Good Times»
• Johnny Barbata – trommer på «Go Back Home» og «Sit Yourself Down»
• Ringo Starr – trommer på «To a Flame» og «We Are Not Helpless»
• Dallas Taylor – trommer på «Cherokee»
• Jeff Whittaker – congatrommer på «Love the One You're With» og «Old Times Good Times»
• Sidney George – fløyte, altsaksofon på «Cherokee»
• Rita Coolidge, David Crosby, Priscilla Jones, John Sebastian – korvokal på «Love the One You're With», «Go Back Home», «Sit Yourself Down» og «We Are Not Helpless»
• Cass Elliott, Claudia Lennear – korvokal på «Go Back Home», «Sit Yourself Down» og «We Are Not Helpless»
• Graham Nash – korvokal på «Love the One You're With», «Sit Yourself Down» og «We Are Not Helpless»
• Judith Powell, Larry Steele, Liza Strike, Tony Wilson – korvokal på «Church»
• Sherlie Matthews – korvokal på «We Are Not Helpless»
• Arif Mardin – strykearrangement på «Church» og «To a Flame»

Andre medverkande

• Bill Halverson – produsent
• Andy Johns – lydteknikar
• Gary Burden – kunstnarisk leiar, fotografi
• Henry Diltz – fotografi
• Charles John Quarto – dikt i omslaget
• Joe Gastwirt – digital remastering