Datolitt

Datolitt er eit fargelaust til svakt farga mineral som mellom anna opptrer i holrom i basalt saman med zeolittar og på hydrotermalgangar (til dømes Kongsberg). Først skildra av J. Esmark i 1806, frå ein skarnførekomst ved Arendal. Kjemisk er datolitt eit hydroksylhaldig kalsiumborosilikat, CaBSiO₄(OH), som krystalliserer monoklint. Einskilde varietetar har ein korna karakter, som har gjeve opphav til namnet.

Datolitt
Datolitt på sinkblende frå San Luis Potosí i Mexico (storleik: 6.2 x 5.3 x 2.8 cm)
Generelt
Kategori	Nesosilikat
Kjemisk formel	CaBSiO4(OH)
Strunz-klassifisering	09.AJ.20
Krystallsymmetri	Monoklin prismatisk H-M-symbol: (2/m) Romgruppe: P 21/c
Einingscelle	a = 9.62 Å, b = 7.6 Å, c = 4.84 Å; β = 90.15°; Z = 4
Identifikasjon
Farge	Fargelaus eller kvit; kan vere gråaktig, gul, grøn, raud, rosa
Krystallform	Krystall prismatisk, kort til tavleforma; botryoidal eller kuleforma med skiveforma struktur; korna til kompakt; kryptokrystallinsk
Krystallsystem	Monoklin
Kløyv	Ingen
Brot	Muslig til ujamn
Fastleik	Sprø
Mohs hardleiksskala	5 til 5.5
Glans	glasaktig, sjeldan underharpiksaktig på brotflater
Transparens	Gjennomsiktig til gjennomskineleg, sjeldan ugjennomsiktig
Spesifikk vekt	2.96 – 3.00
Optiske eigenskapar
Optiske eigenskapar	Toaksa (-)
Brytingsindeks	nα = 1.626 nβ = 1.653 - 1.654 nγ = 1.670
Dobbeltbryting	δ = 0.044
2V-vinkel	Målt: 74°
Dispersjon (spreiing)	r > v; svak
Ultrafiolett fluorescens	Fluorescerer blått under kortbølgja UV
Kjelder	[1][2][3]