Dave Watson
britisk fotballspelar From Wikipedia, the free encyclopedia
Remove ads
David Vernon Watson (fødd 5. oktober 1946) er ein engelsk tidlegare fotballspelar frå Stapleford. Han var midtstoppar, sterk på hovudet og i duellspel. Watson spelte mellom andre på Sunderland AFC, Manchester City og Southampton FC. Han vann 65 kampar med det engelske herrelandslaget, og var kaptein ved tre høve.[1]
Remove ads
Karriere
Klubbspel
Watson gjorde i tida 1966-86 teneste i 11 ulike fotballklubbar. Han utmerkte seg i Rotherham United og vart i desember 1970 overført til Sunderland i 2. divisjon. 5. mai 1973 bidrog han til at Sunderland vann FA-cupfinalen med 1-0 over storfavoritt Leeds United. Sommaren 1975 skreiv han kontrakt med Manchester City, her var han med å vinne ligacupfinalen 1976 med 2-1 over Newcastle United. 1979-82 spelte han mange gode kampar for Southampton FC. Han la opp etter 810 klubbkampar og 80 skåringar.
Landslagsspel
Watson spelte 65 landskampar for England i tida frå april 1974 til juni 1982. Han debuterte i Lisboa og avslutta i Reykjavik, begge desse kampane enda uavgjort. Watson deltok i alle England-kampane under EM i fotball 1980, der laget rauk ut i gruppespelet. 10. september 1980 hadde han ein roleg kveld då Noregs utvalde vart slått 4-0 på Wembley stadion i ein kvalifiseringskamp til VM i fotball 1982. Watson skåra fire landslagsmål, to mot Nord-Irland og to mot Bulgaria, fordelt på fire ulike kampar i 1979.
Merittar
- Vinnar av FA-cupen: 1973 med Sunderland AFC
- Vinnar av den engelske ligacupen: 1976 med Manchester City
- Andreplass i den engelske ligaen: 1977 med Manchester City
Remove ads
Kjelder
Wikiwand - on
Seamless Wikipedia browsing. On steroids.
Remove ads