Dawlish Warren

Dawlish Warren er ein kystbusetnad nær byen Dawlish i Teignbridge på sørkysten av Devon i England. Dawlish Warren består nesten utelukkande av fritidsbustader og fasiliteter for turistar, særleg på campingplassar.

Dawlish Warren
busetnad
Land	England
Fylke	Devon
Dawlish Warren 50.598°N 3.444°W / 50.598; -3.444
Wikimedia Commons: Dawlish Warren

Geografi

Dawlish Warren ligg ved munningen av Exe-estuaret med Exmouth på andre sida av. Staden har ein strand, eit naturreservat (National Nature Reserve)^[1] på 506 acre (2 km²) og ei golfbane som har status som Site of Special Scientific Interest (SSSI).^[2] Ein krokusart, Romulea columnae, har den einaste vekststaden sin på det britiske fastlandet her.^[2]

Transport

Dawlish Warren jernbanestasjon ligg få minuttar frå stranda. Han ligg mellom stasjonane Dawlish og Starcross på Riviera Line, ein del av Great Western Main Line mellom London Paddington og Penzance i Cornwall. Tenester som stopper her er drivne av Great Western Railway, på ei rute mellom Exmouth, Exeter og Paignton.^[3]