Dawson-øya

Dawson-øya (spansk Isla Dawson) er ei chilensk øy og ei av dei nordlegaste øyane i Eldlandet. Dawson-øya ligg i Magellansundet, sørvest for Brunswick-halvøya og nord for Storøya i Eldlandet.

Isla Dawson
Geografi
Stad	Eldlandet
Koordinatar	53°58′S 70°35′W
Areal	1290 km²
Administrasjon
Land	Chile
Region Provins	Magallanes y de Antartica Chilena Magallanes
Demografi
Folketal	ca. 300 (2002)

Det finst tre mindre busetnader på øya: Puerto Harris, Puerto San Antonio og Puerto Almeida. I 1992 hadde øya til saman eit folketal på 415; dette hadde sokke til 301 i 2002.

Seint på 1800-talet vart Dawson-øya brukt som konsentrasjonsleir for dei innfødde eldlendarane. Italienske misjonærar fekk løyve til å busetja seg på øya med indianarane frå 1890. Eitt av misjonærhusa står framleis og gjeld i dag som chilensk nasjonalmonument. I 1970-åra, nærmare vår tid, vart politiske fangar plassert på øya, ofte mistenkt for å vera kommunistiske aktivistar. Den chilenske filmregissøren Miguel Littin har laga film om denne historia. Den kom ut i 2009 med tittelen Dawson, Isla 10.

Kjelde

• Denne artikkelen bygger på «Dawson Island» frå Wikipedia på engelsk, den 14. juni 2012.