Debby Ryan

Deborah Ann «Debby» Ryan^[3] (fødd 13. mai 1993)^[4] er ein amerikansk skodespelar, songar-låtskrivar og plateprodusent.^[2] Ho byrja spele i Disney Channel-serien Jessie i 2011. Ho er også kjend for rolla som Bailey Pickett i The Suite Life on Deck frå same kanal.

Debby Ryan
Debby Ryan at the Radio Rebel premiere in 2012.
Fødd	13. mai 1993 (32 år)
Fødestad	Huntsville i Alabama i USA
Fødenamn	Deborah Ann Ryan
Opphav	USA
Aktiv	Frå 2006
Sjanger	Pop, country, folk[1]
Instrument	piano, vokal
Tilknytte artistar	The Never Ending
Plateselskap	Ryan River Studio
Verka som	Skodespelar, songar, låtskrivar, plateprodusent[2]
Gift med	Josh Dun

Ryan blei fødd i Huntsville i Alabama.^[4][5] Far hennar var i militæret, og ho voks opp fleire stader i Europa. Fram til ho var 10 år budde ho i Tyskland, og snakkar både tysk og engelsk.^[6] Ryan byrja opptre i teater frå ho var sju år gammal, og har teke del i ulike talenttevlingar.^[7]

I 2007 var ho med i Barney & Friends og DVD-en Barney: Let's Go to the Firehouse før ho blei oppdaga av Disney. Ho har også teke del i spelefilmen The Longshots (2008). I 2010 spelte ho i Disneykanal-filmen 16 Wishes, som hadde eit noko eldre publikum enn vanleg for kanalen.^[8][9][10] Seinare tok Ryan del i indie-filmen What If.... I 2012 hadde ho ei hovudrolle som Tara Adams i Disney Channel-filmen Radio Rebel. I 2012 skipa ho bandet The Never Ending som først opptredde offentleg i 2013.^[11]