Den globale migrasjonspakta

Endrar Den globale migrasjonspakta er ein internasjonal avtale som er forhandla fram i regi av Dei sameinte nasjonane, som dekkjer alle aspekt av internasjonal migrasjon på ein holistisk og dekkande måte.^[1] Konferansen til SN for å vedta avtalen vart avhalden i Marrakech i Marokko 10.–11. desember 2018.^[2] Austerrike forhandla på vegner av EU.

Austerrike, Australia,^[3] Bulgaria,^[4] Kroatia,^[5] Tsjekkia,^[6] Estland,^[7] Israel,^[8] Ungarn og Polen^[9] ville ikkje signere avtalen. Det har også vore motstand i det tyske parlamentet, ført av Alternativ for Tyskland.^[10] Kanslaren i Austerrike, Sebastian Kurz, uttalte at avtalen ville redusere suvereniteten til landet og blande saman skilnaden mellom ulovleg og lovleg innvandring, såvel som mellom økonomisk og humanitær innvandring.^[11] Noreg har signert avtalen, men regjeringsmedlemmer frå Frp tok ein symbolsk dissens. USA har ikkje delteke i forhandlingane om avtalen.