Denys Lasdun

Denys Louis Lasdun (8. september 1914–11. januar 2001) var ein britisk arkitekt, fødd og død i London. Han høyrer til dei viktigaste forkjemparane for modernistisk arkitektur i etterkrigstidas Storbritannia.

Denys Lasdun
Statsborgarskap	Storbritannia
Fødd	8. september 1914 London
Død	11. januar 2001 (86 år) London
Yrke	arkitekt
Språk	engelsk
Medlem av	Royal Academy of Arts
Denys Lasdun på Commons

Royal National Theatre, bygt 1967-76

Lasdun studerte ved Architectural Association School of Architecture i London og arbeidde så ei tid hos Wells Coates. Til liks med andre britiske modernist-arkitektar, som Basil Spence, Peter og Alison Smithson, var Lasdun sterkt påverka av Le Corbusier og Ludwig Mies van der Rohe, men henta òg inspirasjon frå meir klassisk arkitektur.

Hans mest kjend byggverk er Royal National Theatre i London. Bygget vert rekna som eit kroneksempel på såkalla brutalist-arkitektur, bygningar som består mykje av betong og liknande materiale.