Dion DiMucci

Dion Francis DiMucci (fødd 18. juli 1939),^[19] betre kjend som Dion, er ein USA-amerikansk songar og låtskrivar. Musikken hans er ei blanding av doo-wop, rock, R&B og blues. Han byrja som frontmann i Dion and the Belmonts, og har så hatt ein solokarriere og var ein av dei mest populære amerikanske rock and roll-artistane i tida før den britiske bølgja.^[20] Han hadde 39 topp 40-hittar seint i 1950-åra og tidleg i 1960-åra som soloartist, med The Belmonts eller i lag med The Del-Satins.^[21] Han er mest hugsa for singlane «Runaround Sue», «The Wanderer», «Ruby Baby» og «Lovers Who Wander».^[22]

Dion DiMucci
DiMucci på scenen i New York
Fødd	18. juli 1939 (86 år)
Fødestad	The Bronx i New York City
Fødenamn	Dion Francis DiMucci
Alias	Dion
Opphav	USA
Aktiv	Sidan 1957
Sjanger	Rock pop R&B blues
Instrument	Vokal, gitar
Tilknytte artistar	Dion and the Belmonts[1] The Del-Satins[2][3] The Little Kings[4][5] The Wanderers[6][7] The Timberlanes[8] Bruce Springsteen[9][10] Paul Simon[11][12][13][14] Joe Bonamassa[15][16] Mike Aquilina[17][18]
Plateselskap	Mohawk Laurie Columbia ABC Warner Bros. Arista DaySpring Blue Horizon Keeping the Blues Alive
Verka som	Singer, låtskrivar
Prisar	Rock and Roll Hall of Fame

Populariteten til Dion dalte i midten av 1960-åra og mot slutten av tiåret hadde han endra til ein meir moden stil, med songar som «Abraham, Martin and John».^[23] Han var framleis populær seint i 1960-åra og fram til midten av 1970-åra,^[24] og fortsette å lage musikk.^[25] I 1980-åra produserte Dion fleire kristne musikkalbum, og vann ein GMA Dove Award i 1984 for albumet I Put Away My Idols.^[26][27] Han vende attende til sekulær musikk seint i 1980-åra med Yo Frankie (1989).^[28] Frå midten av 2000-åra har Dion gjeve ut seks bluesalbum.^[29]

Dion har gjeve ut over 40 album og fått elleve topp 10-hittar på Billboard Hot 100-lista.^[30] Han vart innlemma i Rock and Roll Hall of Fame i 1989.^[31] I 2002 vart Dion innlemma i Grammy Hall of Fame for «Runaround Sue».^[32]

Utvald diskografi

Med the Belmonts

• Presenting Dion and the Belmonts (1959)
• Wish Upon a Star with Dion and the Belmonts (1960)
• Together Again (1966)
• Live at Madison Square Garden 1972 (1973)

Soloalbum

• Alone with Dion (1961)
• Runaround Sue (1961)
• Donna the Prima Donna (1963)
• Dion (1968)
• Suite for Late Summer (1972)
• Born to Be with You (1975)
• Streetheart (1976)
• I Put Away My Idols (1983)
• Yo Frankie (1989)
• Son of Skip James (2007)
• Blues with Friends (2020)
• Stomping Ground (2021)

Bøker

• The Wanderer: Dion's Story (sjølvbiografi) skriven i lag med Davin Seay (1988)^[33][34]
• Chapters: Writing the Adventure of Your Life (sjølvhjelp) skriven i lag med Andi Litt Wiener (1998)^[35][36]
• Dion: The Wanderer Talks Truth (Stories, Humor & Music) (ikkje-fiksjon) skriven i lag med Mike Aquilina (2011)^[37]