Don't Go Breaking My Heart

«Don't Go Breaking My Heart» er ein duett av Elton John og Kiki Dee. Han vart skriven av Elton John og Bernie Taupin under pseudonymet «Ann Orson» og «Carte Blanche» (eit ordspel på uttrykket «an horse and cart, blanche»). Songen må ikkje forvekslast med songen av Burt Bacharach/Hal David med same namn spelt inn i 1966 av Dionne Warwick.

Don't Go Breaking My Heart Singel av Elton John og Kiki Dee
B-side	«Snow Queen»
Utgjeve	21. juni 1976
Sjanger	Pop
Lengd	4:28
Selskap	Rocket Records MCA Records (US/Canada)
Komponist	Elton John
Tekstforfattar	Elton John
Låtskrivar(ar)	Ann Orson (Elton John) Carte Blanche (Bernie Taupin)
Produsent	Gus Dudgeon
Elton John-kronologi
«Grow Some Funk of Your Own»/«I Feel Like a Bullet (In the Gun of Robert Ford)» (1976)	Don't Go Breaking My Heart	«Sorry Seems to Be the Hardest Word» (1976)

Som med fleire av singlane til Elton John i 1970-åra vart ikkje songen gjeven ut på eit originalt album (men vart spelt inn samstundes med Blue Moves). Songen vart derimot gjeven ut på Elton John's Greatest Hits Volume II i 1977. Han har sidan vorte flytta til «Volume 3»-samlinga Greatest Hits 1976–1986. Utgåva av Rock of the Westies frå 1975 har med songen som eit bonusspor. I 2002 vart songen òg gjeven ut på Elton John's Greatest Hits 1970-2002.

«Don't Go Breaking My Heart» vart den første singelen til John som gjekk til topps på singellista i Storbritannia, og låg der i seks veker i midten av 1976. Songen gjekk òg til topps i USA, der han selde til gull. I Noreg nådde singelen femteplass.

I 1978 var Elton John gjest på The Muppet Show og framførte songen i lag med Miss Piggy. I 1985 framførte John og Dee songen på Wembley Stadium under Live Aid-konserten. I 1987 song Elton songen med Minni Mus på NBC-serien Totally Minnie. Han song òg songen i lag med Spice Girls på ITV-hyllesta An Audience With Elton John.

Medverkande

• Elton John – piano, vokal
• Kiki Dee – vokal
• James Newton Howard – Fender Rhodes elektrisk piano, orkesterarrangement
• Davey Johnstone – elektrisk gitar
• Kenny Passarelli – bass
• Roger Pope – trommer
• Ray Cooper - tamburin, congatrommer, bongotrommer
• Curt Boettcher, Kiki Dee, Cindy Bullens - korvokal

Salslister og salstrofé

Weekly singles charts Liste (1976) Plassering Australia (Kent Music Report)[1] 1 Austerrike (Ö3 austerriksk Topp 40)[2] 8 Belgia (Ultratop 50 Flandern)[3] 3 Canada (Steede Report)[4] 1 Canada (RPM)[5] 1 Nederland (Nederlandsk Topp 40)[6] 3 Frankrike (SNEP)[7] 1 Tyskland (Media Control AG)[8] 5 Irland (IRMA)[9] 1 Italia (FIMI)[10] 1 New Zealand (RIANZ)[11] 1 Noreg (VG-lista)[12] 5 South Africa (RISA)[13] 1 Sverige (Sverigetopplistan)[14] 3 Sveits (Schweizer Hitparade)[15] 4 UK Singles (Official Charts Company)[16] 1 US Billboard Hot 100[17] 1 US Billboard Adult Contemporary[18] 1 Zimbabwe Singles (ZIMA)[19] 1

Årslister Liste (1976) Rank Australia (KMR)[1] 5 Canada (RPM)[20] 4 New Zealand[21] 2 UK Singles (Official Charts Company)[22] 2 US Billboard Hot 100<[23] 2 US Billboard Easy Listening[24] 23 Sales and certifications Region Salstrofé Salstal Canada (Music Canada)[25] Platina 10 000^ Storbritannia (BPI)[26] Gull 1,000,000[27] USA (RIAA)[28] Platina 2 000 000^ *salstala er basert på sertifiseringa aleine ^salstala er basert på sertifiseringa aleine

Andre versjonar

Andre artistar som har spelt inn songen er RuPaul (i lag med ELton John), Tom Jones og Lynn Anderson, Greg Evigan og Pink Lady, The Mr. T Experience, Alien Crime Syndicate, Anne Hathaway og Jesse McCartney i filmen Ella Enchanted, Katie Price og Peter Andre.

Hip hop-artisten Ol' Dirty Bastard og R&B-songaren Macy Gray spelte inn ein song laus basert på «Don't Go Breaking My Heart».