Duftspore

Duftspore (Gymnadenia odoratissima) er ei plante i brudesporeslekta Gymnadenia i orkidéfamilien (marihandfamilien) Orchidaceae.^[1] Ho veks ikkje i Noreg.

Duftspore
Status i verda: Livskraftig
Systematikk
Rike:	Planteriket
Klasse:	Einfrøblada
Orden:	Aspargesordenen
Familie:	Orkidéfamilien
Slekt:	Gymnadenia
Art:	G. odoratissima
Vitskapleg namn
Gymnadenia odoratissima (Linné) Rich.
Økologi
Habitat:	kalkrik grasmark
Utbreiing:	Europa

Utbreiing

I Sverige finst duftspore (svensk namn luktsporre) på Gotland og på nokre få spreidde funnstader på fastlandet. Arten er Sverige rekna som nær truga (NT).^[2]

Arten finst òg i Estland (estisk namn lõhnav käoraamat), der han veks mest i nord og på Saaremaa. Han er rekna som sårbar (VU).^[3] I Litauen (litauisk namn kvapusis plauretis)^[4] vart han første gong funnen i 1979 og er kjend frå ein enkelt lokalitet sør i landet.^[5] Han er rekna som kritisk truga (CR).^[6]

I Benelux har tidlegare registreringar av arten (nederlandsk namn welriekende muggenorchis, fransk namn orchis odorant) i Nederland synt seg å vere hybridar mellom brudespore og artar i marihandslekta. I Flandern i Belgia er han ikkje registrert, medan det finst nokre få funn i Vallonia.^[7] I den belgiske raudlista for Vallonia er arten rekna som kritisk truga (CR, menacé d'extinction).^[8] I Luxembourg er han rekna som regionalt utdøydd (RE).^[9]

Hybridar

Hybriden mellom duftspore og brudespore (Gymnadenia conopsea × odoratissima eller Gymnadenia ×intermedia)^[10] har vore registrert i Sverige.^[11]

Duftspore kan òg danne ein intergenerisk hybrid (hybrid mellom ulike slekter) med skogmarihand (Dactylorhiza maculata ssp. fuchsii × Gymnadenia odoratissima), som òg er registrert i Sverige.^[12]