Duncan Laurence

Duncan de Moor (fødd 11. april 1994 i Spijkenisse i Nederland), kjend under artistnamnet Duncan Laurence, er ein nederlandsk songar og låtskrivar som representerte Nederland i Eurovision Song Contest 2019 i Tel Aviv i Israel med songen «Arcade».^[1]

Duncan Laurence
Fødd	11. april 1994 (31 år)
Fødestad	Spijkenisse
Fødenamn	Duncan de Moor
Alias	Duncan Laurence
Opphav	Kongeriket Nederlanda
Aktiv	2014–
Sjanger	Pop, rock
Instrument	Piano
Plateselskap	Universal Music Group
Verka som	songar, songar-låtskrivar
Prisar	Vinner av Eurovision Song Contest, Marcel Bezençon Awards

Laurence starta den musikalske karrieren sin ved Rock Academy i Tilburg, og spelte i fleire band ved skulen. Her utvikla han seg også som songar, låtskrivar og musikkprodusent.

I 2014 deltok han i den femte sesongen av The Voice of Holland og hadde Ilse DeLange som mentor.^[2]

Han har òg jobba som låtskrivar i London og Stockholm, og i 2018 skreiv han songen «Closer» saman med Jihad Rahmouni. Songen vart utgjeven av K-pop-duoen TVXQ på albumet New Chapter No. 1: The Chance of Lóve.^[3]