Ekte tofrøbladingar

Eigentlege eller ekte tofrøbladingar (Eudicotyledoneae) er ei gruppe i moderne biologisk systematikk (APG II-systemet frå 2003) som utgjer ein av dei tre store kladane i klassen tofrøblada plantar. Gruppa omfattar rundt 75 000 artar, og utgjer rundt 25 % av alle karplantar på jorda.

Skjematisk framstilling av ein typisk ekte tofrøblading.

Ekte tofrøbladingar
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Klade:	Ekte tofrøbladingar eudicots

Eit avleidd fellestrekk for dei ekte tofrøblada plantane er at dei har pollen med tre opningar i karakteristiske furer. Andre utbreidde fellestrekk er at frøet som oftast gror med to frøblad, og at bladet som oftast har fjør- eller handmønstra nervestrukturar.^[1]

Fylogenetisk oversikt

Inndelinga under viser det ein til no veit om slektskapstilhøva i hierarkisk skrivemåte (familiane som har norske navn er gjevne i parentes):

• Ranunculales (berberisfamilien, jordrøykfamilien, soleiefamilien, valmuefamilien)
• [Gruppe utan namn]
  • Sabiaceae
  • Proteales (platanar)
  • [Gruppe utan namn]
    • Buksbomfamilien
    • Trochodendraceae
      • Tetracentron sinense
      • Trochodendron aralioide
    • [Gruppe utan namn (core eudicots på engelsk)]
      • Gunnerusbladfamilien
      • [Gruppe utan namn]
        • Santalales (trådurtfamilien)
        • Berberidopsidales
          • Aextoxicon punctatum
          • Berberidopsidaceae
            • Streptothamnus
            • Berberidopsis
        • Asteridae
        • [Gruppe utan namn]
          • Dilleniaceae
          • Caryophyllales (amarantfamilien, frankeniafamilien, hinnebegerfamilien, kaktusfamilien, middagsblomstfamilien, mirakelblomstfamilien, nellikfamilien, portulakkfamilien, slireknefamilien, soldoggfamilien, tamariskfamilien)
        • [Gruppe utan namn]
          • Saxifragales (bergknappfamilien, sildrefamilien, peonar, ripsfamilien, trollhasselfamilien, tusenbladfamilien)
          • Rosidae