Elijah Manangoi

Elijah Motonei Manangoi (fødd 5. januar 1993) er ein kenyansk mellomdistanseløpar. Han vann sølvmedaljen på 1500 meter i verdsmeisterskapen 2015 i Beijing og gullmedaljen i verdsmeisterskapen 2017 i London. Sommaren 2017 sette han personleg rekord med 3.28,8 då han sigra på spesialdistansen i DL-stemnet i Monaco.

Elijah Manangoi
Statsborgarskap	Kenya
Fødd	5. januar 1993 (32 år) Narok
Idrett	friidrett
Tok del i	Friidrett under Sommar-OL 2016

Aktiv

I juli 2015 vart Manangoi kenyansk meister på 1500 m. Berre seks dagar seinare forbetra han sin personlege rekord med over fem sekund til 3.29,6 i Monaco, men vart berre nummer 6. Under verdsmeisterskapen i Beijing same året overraska han med å legge beslag på sølvmedaljen, hårfint føre marokkanaren Abdalaati Iguider. Favoritten Asbel Kiprop vart verdsmeister. 21. juli 2017 presterte Manangoi livsbeste 3.28,8 då han sigra i Herculis-stemnet i Monaco. Tre veker seinare sprang han inn til gullmedalje på 1500-meter då verdsmeisterskapen 2015 vart avvikla i London. Dei to andre medaljane vann landsmannen Timothy Cheruiyot og norske Filip Ingebrigtsen. I 2018-sesongen vann Manangoi spesialdistansen både i samveldeleikane og i afrikameisterskapen.

Doping

Manangoi var dømt for brot på doping-reglane og 2020-22 utestengd frå friidrett.

Medaljar og plasseringar i internasjonale meisterskap

• VM 2015 i Beijing: Sølvmedalje – 3.34,63, bakom Asbel Kiprop (3.34,40)
• OL 2016 i Rio de Janeiro: Stod over finalen
• VM 2017 i London: Gullmedalje – 3.33,61, framom Timothy Cheruiyot (3.33,99)

Kjelder

• Denne artikkelen bygger på «Elijah Manangoi» frå Wikipedia på engelsk, den 3. september 2025.

• World Athletics