Elke Erb

Elke Erb (18. februar 1938–22. januar 2024) er ein tysk forfattar og omsetjar.^[1] I 2020 vann ho Georg-Büchner-prisen.

Elke Erb
Statsborgarskap	Den tyske demokratiske republikken, Tyskland
Fødd	18. februar 1938 Rheinbach
Død	22. januar 2024 (85 år) Berlin
Yrke	omsetjar, skribent
Medlem av	Akademie der Künste Berlin, Sächsische Akademie der Künste
Far	Ewald Erb
Ektefelle	Adolf Endler
Born	Konrad Endler
Elke Erb på Commons

Liv og virke

Erb blei fødd i Rheinbach i Nordrhein-Wesfalen som ei av dei tre døtrene til den marxistiske litteraturvitaren Ewald Erb (1903–1978). Ho er den eldre søstera til forfattaren Ute Erb. Familien reiste frå Vest-Tyskland til Halle (Saale) i 1949. Etter abitur i 1958 studerte Erb pedagogikk, historie, tysk og russisk ved universitetet i Halle. I 1963 gjekk ho ut frå universitetet med kvalifikasjonar til å undervisa i tysk og russisk, men også kunnskapen om at ein karriere innan utdanning ville vera totalt upassande for henne.^[2]

Etter studiane arbeidde ho, fyrst som frivillig og så som tilsett, i pratiforlaget Mitteldeutscher Verlag i Halle frå 1963 til 1966.^[3][4] Ho leid av psykiske problem, og var ei tid innlagt på eit psykiatrisk sjukehus. I 1966 drog ho til Aust-Berlin. Erb skreiv eigne tekstar og meldingar av russiske drama og skjønnlitteratur for forlag.^[4]Ho blei sambuar med diktaren Adolf Endler, og dei gifta seg i 1968.^[2][5] Ho gav ut sine fyrste dikt i 1968.^[4]

I 1969 hadde Erb eit lengre opphald i Georgia. Det fyrste større omsetjingsverket hennar, som kom ut i 1974, var av tekstar av Marina Tsvetajeva.^[3][6]

I DDR tilhøyrde ho eit regimekritisk miljø i Prenzlauer Berg.^[7] Diktsamlinga Skärvor, senare, er komen ut på svensk.^[8]

Verk i utval

• Gutachten. Poesie und Prosa. Aufbau Verlag, Berlin, Weimar 1975
• Einer schreit: Nicht! Geschichten und Gedichte. Wagenbach, Berlin 1976
• Der Faden der Geduld. Aufbau Verlag, Berlin, Weimar 1978.
• Trost. Gedichte und Prosa. Deutsche Verlagsanstalt, Stuttgart 1982 (ausgewählt von Sarah Kirsch)
• Vexierbild. Aufbau Verlag, Berlin, Weimar 1983.
• Kastanienallee. Texte und Kommentare. Aufbau Verlag, Berlin, Weimar 1987.
• Winkelzüge oder Nicht vermutete, aufschlußreiche Verhältnisse. (Ill. Angela Hampel) Druckhaus Galrev, Berlin 1991
• Nachts, halb zwei, zu Hause. Texte aus drei Jahrzehnten. Reclam Leipzig, Leipzig 1991 (utval av Brigitte Struzyk)
• Poets Corner 3: Elke Erb, Unabhängige Verlagsbuchhandlung Ackerstraße, Berlin 1991.
• Unschuld, du Licht meiner Augen. Dikt, Steidl Verlag, Göttingen 1994
• Der wilde Forst, der tiefe Wald. Auskünfte in Prosa, Steidl Verlag, Göttingen 1995.
• Mensch sein, nicht. Gedichte und andere Tagebuchnotizen. Urs Engeler, Basel und Weil am Rhein 1998
• Leibhaftig lesen. Dikt, Verlag Ulrich Keicher, Warmbronn 1999
• Sachverstand. Arbeidsbok, dikt, Urs Engeler Editor, Basel und Weil am Rhein 2000.
• Lust. 2 Gedichte. Verlag Ulrich Keicher, Warmbronn 2001.
• Parabel. Verlag Unartig 2002.
• die crux. Gedichte, Urs Engeler Editor, Basel und Weil am Rhein 2003.
• Gänsesommer. Gedichte, Urs Engeler Editor, Basel und Weil am Rhein 2005.
• Freunde hin, Freunde her. Dikt (= Lyrikedition 2000). BUCH&media, München 2005, ISBN 978-3-86520-154-6.
• Sonanz. 5-Minuten-Notate. Dikt, Urs Engeler Editor, Basel und Weil am Rhein 2008.
• Wegerich. Wahn. Denn Wieso? Dikt (aus Sonanz), Verlag Ulrich Keicher, Warmbronn 2008.
• Meins. Gedichte, roughbooks, Wuischke, Berlin und Holderbank 2010
• Elke Erb. (= Poesiealbum. 301). Märkischer Verlag Wilhelmshorst 2012, ISBN 978-3-943708-01-1.
• Das Hündle kam weiter auf drein. Dikt, roughbooks, Berlin, Wuischke und Solothurn 2013.
• Sonnenklar. Dikt, roughbooks, Berlin, Wuischke und Solothurn 2015.